საქართველოს იუსტიციის მინისტრი საქართველოში სისხლის სამართლის პოლიტიკაზე საუბრობს. თეა წულუკიანი მიიჩნევს, რომ აღნიშნული პოლიტიკა გამკაცრებას არ საჭიროებს.

„უნდა გამკაცრდეს თუ არა სისხლის სამართლის პოლიტიკა? არ ვფიქრობ ასე. რადგან ის უკვე არის მკაცრი. თუმცა, უფრო მეტი ფუნქცია უნდა მიეცეს პრევენციის ღონისძიებებს. როდესაც მე ძალიან ბევრს ვსაუბრობდი იარაღით ჩადენილ დანაშაულთან დაკავშირებით, მაშინ ბევრი ოპონენტი მაკრიტიკებდა. ჩვენ უნდა ჩამოვყალიბდეთ, რა გვირჩევნია - იარაღისგან და ძალადობისგან თავისუფალი სამოქალაქო საზოგადოება, თუ ადამიანები, რომლებსაც შეუძლიათ, ატარონ იარაღი და გამოიყენონ ის არა ნადირობისთვის, არამედ კაცის კვლისთვის“, - განაცხადა წულუკიანმა.