საქართველოს იუსტიციის მინისტრი საქართველოში დანაშაულის ინდექსთან მიმართებით კომენტარს აკეთებს. თეა წულუკიანის განცხადებით, რამდენიმე დღის წინ გამოქვეყნებული დანაშაულის ინდექსის მხრივ საქართველო პროგრესის გზაზეა. სახელმწიფო მინისტრი აცხადებს, რომ გამოქვეყნებული რეიტინგების თვალსაზრისით, საქართველო დანაშაულთან ბრძოლის სფეროში მსოფლიოში მესამე წარმატებულ ქვეყანად დასახელდა:

„თუ ჩავხედავთ სულ რამდენიმე დღის წინ გამოქვეყნებულ მსოფლიო რეიტინგს, ჩვენ ვნახავთ, რომ საქართველო დანაშაულის ინდექსის მხრივ არის პროგრესის გზაზე. ამით ყველაფერია ნათქვამი. რაც შეეხება სტატისტიკას, ჩვენ ვართ ქვეყანა, სადაც ტერორისტული აქტები კი არ ხდება, არამედ ხდება მათი აღკვეთა წინასწარ. ამისათის მუხლჩაუხრელად მუშაობს სახელმწიფო უსაფრთხოების სამსახური. ჩემთვის აბსოლუტურად მიუღებელია ამ და სხვა ძალოვანი სტრუქტურების კრიტიკა და დისკრედიტაცია“, - განაცხადა წულუკიანმა.