გვიხარია, ნატო-ს არსებითი პაკეტის გაფართოება ჩვენი თავდაცვისუნარიანობის ამაღლებას უზრუნველყოფს

გვიხარია, ნატო-ს არსებითი პაკეტის გაფართოება ჩვენი თავდაცვისუნარიანობის ამაღლებას უზრუნველყოფს - კვირიკაშვილი

პოლიტიკა - 15:06, 06 Sep, 2016

1197

თბილისის საერთაშორისო კონფერენციაზე - "ევროპის ცვალებადი გეოსტრატეგიული ლანდშაფტი ვარშავის სამიტის შემდეგ" საქართველოს პრემიერ-მინისტრმა გიორგი კვირიკაშვილმა აღნიშნა, რომ საქართველო არის ქვეყანა, რომელიც დაინტერესებულია რეგიონში სტაბილურობის შენარჩუნებით:

„გარემო გამოწვევებით არის სავსე. ჩვენ ძალიან გვინდა, რომ დემოკრატია განვითარდეს ჩვენს სამეზობლოში. ჩვენ გვაქვს საკუთარი დღის წესრიგი, რომელიც ნათლად არის განსაზღვრული - ეს არის ევროპული და ევროატლანტიკური ინტეგრაცია. საქართველო ნაბიჯ-ნაბიჯ მიდის ამ გზაზე და ახორციელებს ყველაფერს, რაც მოცემულია ჩვენს მთავარ დოკუმენტში, ასოცირების შესახებ შეთანებაში. ჩვენ ჩვენი კანონმდებლობის რეფორმებს ვახორციელევთ. მნიშვნელივანია, რომ ჩვენ განვახორციელოთ ის რეფორმები, რომლებიც გათვალისწინებულია თავისუფალი სავაჭრო სივრცის შესახებ შეთანხმებაში.

ეს არის ერთადერთი ფორმულა, რომ დამყარდეს მშვიდობა დიდი ხნის განმავლობაში და უზრუნველყოფილი იყოს დემოკრატიული განვითარება, იმ რეფორმების მდგრადობა, რომელსაც ჩვენ ვახორციელებთ. ძალიან გვიხარია, რომ არსებითი პაკეტი კიდევ უფრო გაფართოვდა ვარშავის სამიტის შემდეგ. ეს უზრუნველყოფს საქართველოს თავდაცვისუნარიანობისა და სამხედრო შესაძლებლობების ამაღლებას, ასევე ნატო-ს ჩართულობას“,-აღნიშნა საქართველოს პრემიერ-მინისტრმა.