თბილისში, ყიფშიძის ქუჩაზე სროლის ხმა ისმოდა. გავრცელებული ინფორმაციის თანახმად, დამნაშავე ავტომატით ისროდა, შედეგად არიან დაშავებულები, მათი ჯანმრთელობის მდგომარეობის შესახებ ჯერჯერობით ინფორმაცია არ ვრცელდება. როგორც ცნობილია, დაშავებულები ხეჩინაშვილის კლინიკაში არიან მოთავსებულნი. ერთ-ერთი დაშავებული პროფილაქტიკის თანამშრომელია და ამ წუთებში ოპერაცია უტარდება.

გავრცელებული ინფორმაციით შემთხვევა მას შემდეგ მოხდა, რაც პროფილაქტიკაში მისულ მამაკაცს ხელოსანმა განუცხადა, რომ არ ეცალა და დაცდა და რიგის დაკავება თხოვა.

შსს-მ საქმე სისხლის სამართლის კოდექსის 108-ე და 236-ე მუხლებით აღძრა, რაც განზრახ მკვლელობასა და იარაღის უკანონოდ შენახვა-შეძენას გულისხმობს. დამნაშავე, რომელმაც ცეცხლი გახსნა, შემთხვევის ადგილიდან მიიმალა.