ბიძინა ივანიშვილის განცხადებით “პატრიოტთა ალიანსი“ ერთადერთი პარტიაა, რომელიც ცდილობს “ნაციონალური მოძრაობის“ სწორად წარმოჩენას, თუმცა მათი პლატფორმა გამოკვეთილად გასაგები მაინც არაა. აღნიშნულ თემაზე ივანიშვილმა ტელეკომპანია GDS-ის გადაცემაში „შეხვედრები რეგიონულ მედიასთან“ ისაუბრა.

„პატრიოტთა ალიანსი“ ერთადერთი პარტიაა, რომელიც ცდილობს “ნაციონალური მოძრაობის“ სწორად წარმოჩენას. მაგრამ მათი პლატფორმა გამოკვეთით ვერ გავიგე. დავაკვირდები და მოგვიანებით გავაკეთებ ღრმა დახასიათებას. ტრადიციები, ქართული კულტურა ყველას გვიყვარს, თუმცა გადაჭარბებული არაფერი არ ვარგა, ყველაფერს თავისი ფასი უნდა მივცეთ. მათ უნდა ჩამოაყალიბონ თავისი პლატფორმა, რა სურთ მათ და მეც რეაქციას გავაკეთებ“,-განაცხადა ივანიშვილმა.