"დაუკვირდით, დაუკრეფავ ბოსტანში ხომ არ გადავდივართ"- ნოდარ ჯავახიშვილი

პოლიტიკა - 12:38, 05 Sep, 2016

2734

რუსთავი 2-ის საქმეზე პირველ კომენტარს აკეთებენ მთავრობის წევრები, მათ არამართებულად მიაჩნიათ სასამართლოს კომპეტენციაზე საუბარი.

„ჩვენ ვცდილობთ, რომ არ ჩავერიოთ ჟურნალისტიკაში, ჟურნალისტების სწორი თუ არასწორი განცხადებები, მოწოდებული ინფორმაცია ძალიან დელიკატურად ან სულ არ შევაფასოთ, თქვენ მაიძულებთ, გინდათ ძალიან, რომ მე სასამართლოს გადაწყვეტილება შევაფასო. დაუკვირდით, დაუკრეფავ ბოსტანში ხომ არ გადავდივართ,“- განაცხადა ნოდარ ჯავახიშვილმა.

როგორც განათლების მინისტრმა განაცხადა, ძალიან მნიშვნელოვანი დავაა მთელი ქვეყნისთვის ეს პროცესი.

"საკუთრებრივი დავაა, თუმცა ძალიან მნიშვნელოვანია მთელი ქვეყნისთვის, იმედი მაქვს, რომ იქნება შემოწმებული ახალი მტკიცებულებები და მომავალში გათვალისწინებული,“- განაცხადა ალექსანდრე ჯეჯელავამ.

თუმცა, ახალ დოკუმენტთან დაკავშირებით კომენტარის გაკეთება არ ისურვა სოფლის მეურნეობის მინისტრმა.

„არ ვფლობ ინფორმაციას, გაცილებით მნიშვნელოვანი საქმეებით ვარ დაკავებული, ვიდრე კითხვა, რომელსაც თქვენ მისმევთ,“- განაცხადა ოთარ დანელიამ.

მთავრობის წევრებმა ეს განცხადებები რუსთავი 2-თან განაცხადეს.