საქართველოს ყოფილი პრემიერ-მინისტრი ბიძინა ივანიშვილი გოგა ხაინდრავას ფილმზე „ჰეროკრატიაზე“ კომენტარს აკეთებს და აცხადებს, რომ ამ ფილმის ჩვენება არჩევნებამდე ერთი თვით ადრე იმიტომ გადაწყდა, რომ ეს ყოველივე საზოგადოებას სწორი არჩევანის გაკეთაბაში დაეხმაროს:

„რაც შეეხება ფილმს რა თქმა უნდა ჩემი იდეა იყო, ორი წლის წინ დაიწყო ამაზე ლაპარაკი, „9+1“-იც ჩემი მოგონილი იყო სათაური, მაგრამ ხაინდრავამ ახალი სათაური გაუკეთა, რაც შეეხება იმას, რომ ამის ჩვენება ახლა ხდება, ამას ორი მიზეზი აქვს, პირველი მიზეზი არის ის, რომ ფილმის გადაღებას დიდი დრო დასჭირდა. 24 სერიიანი ფილმია, მასშტაბურია და დაემთხვა, თორემ, შესაძლო იყო უფრო ადრე ჩვენებაც. ის, რომ ახლა არის ჩვენება, ეს არჩევნების მახსოვრობაში დაგვეხმარება, იმისთვის, რომ სწორი არჩევანი გააკეთოს ჩვენმა მოსახლეობამ, იმისთვის, რომ მოკლე მეხსიერებით არ ვიცხოვროთ“, - განაცხადა ბიძინა ივანიშვილმა.