ევროპული სამეზობლო პოლიტიკისა და გაფართოებაზე მოლაპარაკებების საკითხებში ევროკომისარი იოჰანეს ჰანი რადიო "თავისუფლებასთან" ინტერვიუში აცხადებს, რომ საქართველო და უკრაინა ვიზალიბერალიზაციას 2016 წელსვე მიიღებენ. აღნიშნული განცხადება მან ბრატისლავაში ევროკავშირის წევრი ქვეყნების საგარეო საქმეთა მინისტრების შეხვედრის შემდეგ გააკეთა და აღნიშნა, რომ გადაწყვეტილებას ევროპარლამენტშიც და ორგანიზაციის წევრი ქვეყნებიც ამ წელს მიიღებენ.

ასევე რადიო "თავისუფლება" საკუთარ წყაროზე დაყრდნობით წერს, რომ ვიზალიბერალიზაციის მინიჭება ოქტომბერ-ნოემბერში მოხდება და საქართველოსა და უკრაინის მოქალაქეები ევროკავშირის შენგენის ზონაში უვიზოდ გამგზავრებას უკვე ზამთრიდან შეძლებენ.

შეგახსენებთ, რომ ვიზალიბერალიზაციის საკითხზე ხვალ კენჭისყრა ევროპარლამენტის ლიბეს კომიტეტშია დაგეგმილი.