საქართველოს პარლამენტის თავმჯდომარე დავით უსუფაშვილი იპოთეკარების პრობლემებზე საუბრობს. „რესპუბლიკური პარტიის“ სიის პირველი ნომერი აცხადებს, რომ მოსახლეობის მოთხოვნა შესრულდა და ადგილობრივებს პრობლემის მოსაგვარებლად დრო მიეცათ. ამის შესახებ დავით უსუფაშვილმა განცხადება ქობულეთში გამართული საარჩევნო შეხვედრის შემდეგ გააკეთა.

„სამწელიწადნახევრის განმავლობაში მოსახლეობის დიდ უმეტესობას, რომლებსაც იმწუთიერი პრობლემა ჰქონდა და შეიძლებოდა დარჩენილიყო სრულიად უყველაფროდ, ჩვენ მოვახერხეთ და უმეტესობას მივეცით დრო - 2-3 წელი იმისთვის, რომ გამართულიყო წელში და მოეგვარებინა პრობლემა. საქართველოს პარლამენტის მიმართ ეს მოთხოვნა იყო პირველ რიგში და ჩვენ ეს შევასრულეთ. მაგრამ ის, რომ ვინმეს მიერ აღებული ვალის გადახდას დავაკისრებთ სხვას, ასე არ გამოვა. გაგრძელდება მცდელობა, რომ იყოს შეღავათიანი პირობები, მაგრამ ვალს გადახდა უნდა “, - განაცხადა დავით უსუფაშვილმა.