,,კრიმინოგენული სიტუაცია ქვეყანაში უკეთესობისკენაა, თუმცა რაც მოხდა, ძალიან ცუდია“

,,კრიმინოგენული სიტუაცია ქვეყანაში უკეთესობისკენაა, თუმცა რაც მოხდა, ძალიან ცუდია“ - კალაძე ვაკეში მომხდარ მკვლელობაზე

პოლიტიკა - 14:20, 03 Sep, 2016

2804

გუშინ ვაკეში მომხდარ მკვლელობაზე ჟურნალისტებთან კომენტარი გააკეთა ვიცე-პრემიერმა და ენერგეტიკის მინისტრმა, კახა კალაძე არ ეთანხმება ოპონენტების კრიტიკას და ამბობს, რომ სტატისტიკური მონაცემებით კრიმინოგენული ვითარება უკეთესობისკენაა, თუმცა ვიცე-პრემიერი დასძენს, რომ ფაქტი, რაც მოხდა, ძალიან ცუდია.

,,მე როგორც მოვისმინე, ეჭვმიტანილი უკვე დაკავებულია, მიმდინარეობს გამოძიება. ის, რასაც ოპონენტები საუბრობენ, არის სიცრუეზე დაფუძნებული მათი დემაგოგია. ჩვენ წლებია ვისმენთ ამას მათი მედიასაშუალებების მეშვეობით. თუმცა მინდა გითხრათ, რომ ყველანაირი სტატისტიკა, მაჩვენებლები აჩვენებს იმას, რომ კრიმინოგენული სიტუაცია ქვეყანაში აბსოლუტურად არის უკეთესობისკენ, თუმცა ფაქტი, რაც მოხდა არის ძალიან ცუდი“, - განაცხადა კალაძემ.

ფალიაშვილისა და თაქთაქიშვილის ქუჩების კვეთაზე შეიარაღებული თავდასხმა გუშინ მხდა. სოსო ჯოხაძე ავტომობილში ჩაცხრილეს. მასთან ერთად მანქანაში იმყოფებოდა ზაქარია ჩიბუხაშვილიც, რომელსაც ოპერაცია უკვე ჩაუტარდა და მდგომარეობა სტაბილურია.

შსს-ს თბილისის პოლიციის დეპარტამენტის დეტექტივების სამმართველოს და ვაკე-საბურთალოს სამმართველოს თანამშრომლებმა ეჭვმიტანილი ცხელ კვალზე დააკავეს.

უწყების ინფორმაციით, გამოძიება განზრახ მკვლელობის და იარაღის მართლსაწინააღმდეგო შეძენა-შენახვა-ტარების ფაქტზე მიმდინარეობს (საქართველოს სსკ-ის 108-ე და 236-ე მუხლებით).