საკონსტიტუციო სასამართლოს შესახებ კანონში ახალი ცვლილებებია მოსალოდნელი. აღნიშნული ინიციატივით ეკა ბესელია და გედევან ფოფხაძე გამოდიან. საუბარია ცვლილებებზე, რომელიც მოსამართლის უფლებამოსილების ვადის გაგრძელების შესაძლებლობას ითვალისწინებს.

„სამწუხაროდ, კიდევ ერთხელ ვართ მოწმენი საქართველოს პარლამენტის ზერელე და უპასუხისმგებლო დამოკიდებულებისა უმნიშნელოვანესი ფუნქციისადმი, უზრუნველყოს მართლმსაჯულების უფლება და დროულად დანიშნოს უზენაესი სასამართლოს მოსამართლეები. არ უნდა დაგვავიწყდეს, რომ პირველ რიგში ამ უპასუხისმგებლო დამოკიდებულებისგან დაზარალებულია საქართველოს მოსახლეობა, რომელსაც ეზღუდება ეფექტური მართლმსაჯულების უფლება“,-აღნიშნა ანა დოლიძემ.

აღნიშნული მოსალოდნელი ცვლილების შესაფასებლად „ნიუპოსტი“ კონსტიტუციონალისტ ვახუშტი მენაბდეს დაუკავშირდა. რომელმაც ჩვენთან საუბრისას აღნიშნა, რომ მიზანშეწონილი არ არის ვადის გაზრდა და ცვლილების შემთხვევაში, პრობლემა იქნება ის, რომ საკონსტიტუციო სასამართლო სამი თვის განმავლობაში შესაძლოა დარჩეს სამი მოსამართლის გარეშე, რაც ზრდის ალბათობას იმისა, რომ სასამართლოში პროცესები შეყოვნდეს.

საქართველოს პრეზიდენტს კანიდადატერბად თამარ ლალიაშვილი, ნონა თოდუა და ლევან ბოძაშვილი ჰყავს წარდგენილი.