ივანიშვილი თუ ხაინდრავას სერიალით აპირებს მოგებას, 100 კი არა შეიძლება 60 ვერ შეიყვანოს

ივანიშვილი თუ ხაინდრავას სერიალით აპირებს მოგებას, 100 კი არა შეიძლება 60 ვერ შეიყვანოს - შარშენიძე

პოლიტიკა - 19:36, 01 Sep, 2016

11432

ექსპრემიერს ბიძინაივანიშვილს 2016 წლის ოქტომბრის არჩევნებში ,,ქართული ოცნების” წარმატების იმედი აქვს და ფიქრობს, რომ პარტიას 100 დეპუტატი ეყოლება ახალ პარლამენტში.

ივანიშვილის დღევანდელ განცხადებებს ,,ნიუპოსტთან“ ექსპერტი თორნიკე შარაშენიძე აფასებს.

შარაშენიძე მიიჩნევს, რომ თუ „ქართული ოცნებას“ არჩევნების მოგებას გოგა ხაინდრავას მიერ გადაღებული სერიალის „ჰეროკრატიის“ მეშვეობით ეცდება, მან შესაძლოა 60 დეპუტატიც კი ვერ შეიყვანოს პარლამენტში“

„დიდ იმედებს ამყარებენ ოცნებაში ხაინდრავას სერიალზე. არ მინახავს სერიალი, მაგრამ ტრეილერი ვნახე და იმდენად დიდი უნიჭობაა, რომ არ მგონია გარღვევა მოახდინოს მან. ერთხელ მოახდინა გარღვევა, შესაძლოა ნაწილი დადგმული კადრები იყო, მაგრამ ამან გადაწყვიტა არჩევნების ბედი. 4 წლის შემდეგ ისევ ამ მეთოდით თუ აპირებენ არჩევნების მოგებას, 100 კაცი კი არა შესაძლოა 60-იც ვერ შეიყვანოს.

ივანიშვილისგან უფრო აქტიური კამპანიის წამოწყებას ველოდებოდი, მხოლოდ ტელევიზიაში ლაპარაკით თუ აპირებს საზოგადოების მის მხარეს შებრუნებას, მგონი ასე მარტივი არ იქნება“, - აცხადებს შარაშენიძე „ნიუპოსტთან“ საუბრისას.