"ჩვენ მზად ვართ ვიყოთ „ახალი ნაციონალური მოძრაობა“- ვაშაძე ივანიშვილის განცხადებას ეხმაურება

პოლიტიკა - 17:15, 01 Sep, 2016

2587

ბიძინა ივანიშვილის დღევანდელ შეფასებებს ახალ პოლიტიკურ გაერთიანებასთან დაკავშირებით, პაატა ბურჭულაძის თანაგუნდელი გიორგი ვაშაძე გამოეხმაურა. მისი განცხადებით თუ ბიძინა ივანიშვილისთვის ის რეფორმები და ქვეყნის განვითარების გეგმა, რომელიც პაატა ბურჭულაძის გუნდს აქვს „ნაციონალურ მოძრაობასთან“ ასოცირდება , მაშინ მისი გუნდი მზადაა იყოს „ახალი ნაციონალური მოძრაობა“.ვაშაძის თქმით ქვეყნის სათავეში „ოცნების“ და ენმ-ს მოსვლა ქვეყნისთვის საფრთხის შემცველია

„ნაციონალური მოძრაობის“ დღევანდელ ლიდერებს საერთოდ გააზრებულიც კი არ აქვთ შეცდომები და პრობლემები, რაც იყო დაშვებული თავის დროზე. მეტიც, ვფიქრობ, რომ ქვეყნისთვის საფრთხეც იქნება თუ „ნაციონალური მოძრაობა“ გაიმარჯვებს. რადგან მათ არ აქვთ გააზრებული ის შეცდომები, რაც 2012 წლამდე იყო და შურისძიებას შურისძიება ჩაანაცვლებს.

თუ ბიძინა ივანიშვილისთვის რეფორმები, კორუფციის წინააღმდეგ ბრძოლა, ეკონომიკური ზრდა „ნაციონალური მოძრაობაა“ , მაშინ ჩვენ მზად ვართ ვიყოთ „ახალი ნაციონალური მოძრაობა“, არც მაგაში ვხედავ პრობლემას. ჩვენ ვართ ის რეალური ძალა რომელსაც ქვეყნის წინსვლა და განვითარება შეუძლია.

ჩვენს შესახებ გაკეთებულ განცხადებებზე ხუმრობით რომ ვუპასუხო, ჩვენ ვართ მიშას პროექტი, რომელსაც აფინანსებს ბიძინა. სერიოზულად კი ჩვენს ძალას აქვს ნდობა , რომელიც არის პაატა ბურჭულაძის მიმართ და ჩვენ გაერთიანებასი არიან ადამიანები, რომელსაც თავისი ხელით უკეთებიათ ეს რეფორმები“- განაცხდა გიორგი ვაშაძემ.