,,როგორც მახსოვს 135 ახალი საწარმო გაიხსნა, 1000 - განახლდა“

,,როგორც მახსოვს 135 ახალი საწარმო გაიხსნა, 1000 - განახლდა“ - ივანიშვილი 4 წელს აფასებს

პოლიტიკა - 13:36, 01 Sep, 2016

17401

ყოფილი პრემიერი არ ეთანხმება ოპონენტების კრიტიკას იმის შესახებ, რომ ქვეყანაში ეკონომიკა გაჩერდა, ხოლო გაჭირვებულთა რიცხვმა იმატა. როგორც ბიძინა ივანიშვილმა GDS-ის გადაცემა „შეხვედრები რეგიონულ მედიასთან“ განაცხადა. ივანიშვილი ამბობს, რომ 4 წლის მმართველობის პერიოდში 100 საწარმოზე მეტი გაიხსნა და 1000-მდე გარემონტდა.

მისი თქმით, გაჭირვებული ადამიანები არიან ევროპის ქვეყნებში, ასევე აშშ-ში.

„როდესაც ამბობენ, გაჩერდა აჭარა, რის საფუძველზე ამბობენ, როდესაც ინვესტიციები 2 ნახევარჯერ გაიზარდა, 80%-ით გაიზარდა ტურიზმი. თუ 8 წელში „ნაციონალურმა მოძრაობამ“ 200 სასტუმრო ააშენა, 170 სასტუმრო 4 წელიწადში აშენდა და 6 ათასი დამატებითი ადგილი გაჩნდა აჭარაში. ახლა ინვესტიციებზე მოგახსენეთ. 41 ახალი საწარმო გაიხსნა და 5 გარემონტდა 4 წლის განმავლობაში, 8 წლის მმართველობის განმავლობაში 11 თუ 17 ახალი საწარმო გაიხსნა „ნაციონალური მოძრაობის“ მმართველობის განმავლობაში. ციფრები აბსოლუტურად საპირისპიროს საუბრობენ. მახსოვს პირველ წელიწადს, როდესაც მოვედი პოლიტიკაში, პირველ თვეებში მეუბნებოდნენ, სად არის ის 60 საწარმო, მერე ეს 100 გადააქციეს. მე მართლაც ვთქვი წინასაარჩევნო დაპირებაში, რომ თითოეულ რეგიონში მართლაც აშენდეს თითო საწარმო, საშუალო ან მცირე, მართლაც ვთქვი 60, მერე 100 -ად გადააქციეს და ვიდრე ვიყავი პრემიერი, 6 თვის განმავლობაში მიტევდნენ, აბა სად არის, დღეს რატომ აღარ კითხულობენ? რადგან გაცილებით მეტი საწარმო გაიხსნა, გარემონტდა 1000-მდე, ახალი საწარმოც გაცილებით მეტია ვიდრე 100 და როგორც მე მახსოვს 135-მდე ახალი, გარემონტებასთან და აღდგენასთან ერთად 1000 საწარმომდე მოხდა განახლება”, - განაცხადა ბიძინა ივანიშვილმა.

მისივე თქმით, აჭარაში გაიზარდა ტურიზმი, ხოლო მშენებლობის მაჩვენებელმა 70%-ით იმატა.

“თუ სახელმწიფო სამშენებლო კომპანია აჭარაში 2003-2011 წლებში 21 მილიონის მილიონის ინვესტიცია გააკეთა, 2012-2016 წლებში - 64 მილიონი. ციფრები სულ სხვა რამეზე საუბრობენ, აბსტრაქციაში მიდიან ერთი მიზეზით, კონკეტრული შეკითხვა არ აქვთ. როდესაც მშენებლობა 70%-ით არის გაზრდილი, ორნახევარჯერ არის გაზრდილი ინვესტიციები, რა აძლევს საფუძველს გაჩერების- არაფერი, მაგრამ სათქმელი არაფერი აქვთ და ანზოგადებენ”, - განაცხადა ბიძინა ივანიშვილმა.