მიმართვა შავი სამყაროს ავტორიტეტებს! - ,,9 წელმა დაგაკარგინათ გავლენის სფეროები... ხაინდრავამ, ბედუკაძემ, ივანიშვილმა წაგართვათ ავტორიტეტი“

სოც.მედია - 15:11, 31 Aug, 2016

36724

უცხოეთში მცხოვრები ქართველი ნუგზარ სულაშვილი ე.წ. შავი სამყაროს ავტორიტეტებს სოციალური ქსელით მიმართავს - ,,კრიმინალური სამყაროს ისტორიაში, ისე არავის შეულახავს თქვენი ღირსება, როგორც ეს ქართულმა ოცნებამ გააკეთა“ - წერს სულაშვილი და კრიმინალური სამყაროს წევრებს გოგა ხაინდრავას ფილმს ,,ჰეროკრატიას“ ახსენებს.

,,შავი სამყაროს ავტორიტეტებს

სიტყვა "ავტორიტეტი"-ს მნიშვნელობას და განმარტებას არ შევეცდები, რადგან ეს სიტყვა თავად მოიცავს თქვენთვის ღირებულ სტაუტუსს , რომელიც ესოდენ მნიშვნელოვნად მიგაჩნიათ.

მე მინდა გკითხოთ: გასაგებია, რომ თქვენ, 9 წელმა დაგაკარგინათ გავლენის სფეროები საქართველოს ტერიტორიაზე, ამ თვალსაზრისით ლოგიკურია გძულდეთ სააკაშვილი და მისი ხელისუფლება, მაგრამ თქვენთვის რა უფრო მნიშვნელოვანი იყო და არის, გავლენის სფეროები, თუ ავტორიტეტი?

კრიმინალური სამყაროს ისტორიაში, ისე არავის შეულახავს თქვენი ღირსება, როგორც ეს ქართულმა ოცნებამ გააკეთა.

ყველამ შესანიშნავად იცის, რომ ციხეზე არიფების დავერბოვკება არავის არ სჭირდება და სამიზნეები სწორედ ავტორიტეტები არიან. თუ ამ ლოგიკას გავყვებით გამოდის , რომ არა ადამიანური წამების მსხვერპლნი სწორედ თქვენ უნდა ყოფილიყავით. ამასვე ცხადლჰყოფს ფილმი ჰეროკრატია, რომელსაც მალე მთელი ქვეყანა იხილავს.

მე პირადად არ მჯერა ამ იდიოტიზმის, მაგრამ თქვენ თუ იცით რამდენი იდიოტი ცხოვრობს დედამიწაზე?

თქვენ წაგართვათ წინა ხელისუფლებამ გავლენის სფეროები, მაგრამ ხაინდრავამ, ბედუკაძემ და ივანიშვალმა წაგართვათ ავტორიტეტი, დიახ შავი სამყაროს ავტორიტეტი, რომელიც გაცილებით მნიშვნელოვანი უნდა იყოს თქვენთვის.

მე დღეს საქართველოს ღირსებასთან ერთად უნებურად, მინდა არ მინდა თქვენი ღირსების დაცვაც მიხდება ყველგან ოფიციალურ, თუ არაოფიციალურ შეხვედრებზე და იმის მტკიცება, რომ ციხეში არ ხდებოდა პატიმართა გაუპატიურება, რომ ეს იყო ბინძური სცენა, რომელსაც არაფერი აქვს საერთო რეალობასთან და დღეს თქვენი სახელით მითვლიან მუქარას ის ნაბიჭვრები, რომლებმაც საკუთარი ინტერესების გამო გაგწირათ.

ფეხებზე მკიდია ეს მუქრაც და ისიც, თუ ხვალ რომელიმე თქვენგანი შუბლს გამიხვრეტავს (იმედია გეყოფათ იმის ვაჟკაცობა ოჯახის წევრებს არაფერი ავნოთ) მაგრამ ამით თქვენი ავტორიტეტი ამაღლდება? :)

არ იფიქროთ ვინმესი, ან რამესი მეშინია და ეს მალაპარაკებს.

ჩემი შემშინებელი კაცი კაცი ჯერ არ დაბადებულა დედამიწაზე ;) უბრალოდ ზურგს უკან არ გამითხაროთ საფლავი, თქვენი სირცხვილი იქნება. :) მზად ვარ პირისპირ შესახვედრად ნებისმიერთან“ - წერს სულა (ნუგზარ) სულაშვილი ფეისბუქის გვერდზე.