„ტრაკის ფოტო რომ დამედო, აჭრელდებოდა ყველაფერი“- სტეფანე მღებრიშვილის კრიტიკულ მიმართვას ავრცელებს

სოც.მედია - 13:08, 31 Aug, 2016

18714

მუსიკოსი სტეფანე მღებრიშვილი ფეისბუკის პირად გვერდზე კრიტიკული შინაარსის სტატუსს აქვეყნებს, რის მიხედვითაც ყველა მიხვდება, რომ ის განაწყენებულია მედიის უყურადღებობის გამო. როგორც ცნობილია სტეფანე აზერბაიჯანელი მომღერლის, აიგიუნ კაზიმოვას პროდიუსერი გახდა. ეს ქალბატონი თავის ქვეყანაში დიდი პოპულარობით სარგებლობს და მისი გამოჩენა არავის არასდროს რჩება უყურადღებო. აიგიუნთან დუეტი სნუპ დოგმაც კი ჩაწერა. აიგიუნი საქართველოშიც იმყოფებოდა რამდენჯერმე, ხოლო მისი ბოლო წარმატება ქართველ პროდიუსერსაც უკავშირდება. სწორედ ამის გამო არის სტეფანე განაწყენებული, რომ ამის შესახებ საქართველოში არსად არაფერი თქმულა. „მოკლედ, მეგობრებო... გერმანიაში გამგზავრება ბაქოდან წარმატბით დასრულდა. ყველაფერმა ძალიან მაგრა ჩაიარა, ჯილდოც ჩამოვიტანეთ. სხვა არტისტებიც ვნახეთ, რომელსაც საკუთარი ქვეყნების დიდი მხარდაჭერა აქვთ. ჩვენი დელეგაცია ბაქოში აიგიუნთან ერთად რომ დაინახეს, VIP ის ფულიც არ გადაგვახდევინეს... ჭკუაზე არ არიან, ისე უვლიან საკუთარ არტისტებს. მეც ვაზიარებდი, ისე რომ არ შეწუხებულიყავით... მაგრამ არცერთ პორტალს არაფერი არ დაუწერია (სამაგიეროდ ტრაკის ფოტო რომ დამედო, აჭრელდებოდა ყველაფერი. ხო და ამდენი წარმატების შემდეგ (აღარ მოვყები დეტალურად) ჩამოვედი და აეროპორტიდან გამოსული, გამარჯობის მაგივრად, გამაჩერეს და შემამოწმეს... დოკუნმენტები აინტერესებდათ, ვინ ვიყავი“-წერს სტეფანე სოციალურ ქსელში.