"პრობლემა არ გვაქვს, შედეგებში განსაკუთრებით ცუდი არაფერია" - ჯეჯელავა პედაგოგების გამოცდის შედეგებზე

პოლიტიკა - 19:01, 30 Aug, 2016

2029

საქართველოს განათლებისა და მეცნიერების მინისტრი ალექსანდრე ჯეჯელავა მასწავლებლის საგნის გამოცდის შედეგებს გამოეხმაურა.

ჯეჯელავა აცხადებს, რომ შედეგებში განსაკუთრებით ცუდი არაფერია.
”ვფიქრობ, პრობლემა არ გვაქვს. გვაქვს კიდევ ერთი გამოცდის შედეგები. ჩემი პოზიცია ამ გამოცდებთან დაკავშირებით იცით. ჩემი აზრით, ნებისმიერი გამოცდა, რომელიც პრეტენდენტების 70%-80%-ს ჩაჭრის ან ბარიერს ვერ გადაალახინებს, მგონია, რომ არ არის კარგი გამოცდა"- აცხადებს მინისტრი.
მისი თქმით, მასწავლებლებს პირობა მისცეს, რომ გამოცდის ბევრი ალტერნატივა იქნება.
"საგნის გამოცდა მხოლოდ ერთი მეთოდი იქნება, ასევე იქნება პედაგოგიკის უნარების გამოცდა, ადრე იყო და დავაბრუნებთ, ოღონდ ეს იქნება არჩევითი. მასწავლებლებს ექნებათ საშუალება, გადაწყვიტონ რომელი მიმართულებით წავიდნენ. ასევე, გვექნება კრიტერიუმები, მასწავლებლის სოციალური აქტივობა, ბავშვებთან, მშობლებთან, ოჯახებთან მუშაობა, რათა ბავშვები მეტად დაამოტივირონ, მაგალითად, პროფესიული ორიენტაციის კუთხით ან პატრიოტიზმის კუთხით”, - აღნიშნა ალექსანდრე ჯეჯელავამ.
ცნობისთვის, პედაგოგთა საგნის გამოცდა წარმატებით მხოლოდ 20.21 %-მა ჩააბარა.