რუსთავი 2-ის საქმე და არჩევნების ლეგიტიმაციის საკითხი - ,,ვნახოთ რას იზამს უზენაესი სასამართლო...“

სოც.მედია - 17:53, 30 Aug, 2016

2151

უზენაესი სასამართლოს მიერ „რუსთავი2“-ის საკასაციო საჩივრის დასაშვებობაზე სამსჯელოდ თარიღის ჩანიშვნას, ტელეკომპანიის გენერალური დირექტორი ნიკა გვარამია ეხმაურება. გვარამიას თქმით თუ სასამართლო რ2-ის საჩივარს არ მიიღებს ეს უარყოფითად გადაწყვეტს ოქტომბრის არჩევნების ლეგიტიმურობის საკითხს და პერსპექტივა მოუკლავს ქვეყნის დემოკრატიულ მომავალს.

„როგორც ახლა გვაცნობეს, 5 სექტემბერს, საქართველოს უზენაესი სასამრთლო იხილავს რუსთავი 2ის საკასაციო საჩივრის დასაშვებობის საკითხს. ზეპირი მოსმენის გარეშე და საკონსტიტუციო სასამართლოს გადაწყვეტილების გარეშე.

5 სექტემბერს, უზენაესმა სასამართლომ, კანონის ყველა შესაბამისი ნორმის დარღვევით, შესაძლოა არ მიიღოს განსახილველად ჩვენი საკასაციო საჩივარი და დაასრულოს არა მარტო რუსთავი 2ის საქმე, არამედ უარყოფითად გადაწყვიტოს ოქტომბრის არჩევნების ლეგიტიმურობის საკითხი და პერსპექტივა მოუკლას ქვეყნის დემოკრატიულ მომავალს.

ვნახოთ, რას იზამს საქართველოს უზენაესი სასამართლო და მისი კოლეგია ეკატერინე გასიტაშვილის, ბესარიონ ალავიძის და პაატა ქათამაძის შემადგენლბით.“- წერს ნიკა გვარამია.