"ეს პოლიტიკური შეთანხმებაა"- ზურაბ ჯაფარიძე ბურჭულაძის ბლოკის „გირჩის“ გარეშე დარეგისტრირებაზე

პოლიტიკა - 14:11, 29 Aug, 2016

2194

ბურჭულაძის ბლოკი ცენტრალურ საარჩევნო კომისიაში „გირჩის“ გარეშე დარეგისტრირდა. ბლოკში შემავალი პოლიტიკური ძალების წარმომადგენლების განცხადებით, აღნიშნული ფაქტი ბლოკში არსებულ დაპირისპირებაზე არ მიანიშნებს და მხოლოდ ტექნიკურ საკითხებთანაა დაკავშირებული .

ახალი პოლიტიკური ცენტრი „გირჩის“ დამფუძნებლის ზურაბ ჯაფარიძის თქმით აღნიშნულ საკითხზე ბლოკის წევრ პოლიტიკურ ძალებს შორის შეთანხმება მოხდა:

„ეს არის ბლოკისშიდა პოლიტიკური შეთანხმების ნაწილი და დაკავშირებულია იმასთან რომ არამხოლოდ ამ არჩევნებზე არამედ შემდეგ არჩევნებზეც და საპრეზიდენტო არჩევნებზეც ეს ბლოკი იყოს წარმოდგენილი უფრო ძლიერად, ვიდრე არის ახლა. ეს არის დაკავშირებული ტექნიკურ საკითხთან, როგორიცაა საარჩევნო კომისიებში წარმომადგენლები და მსგავსი საკითხები. საარჩევნო კომისიებში წარმომადგენლობას რაც შეეხება ეს არის დაკავშირებული იმასთან თუ რამდენია თითო სუბიექტზე დაფინანსება, რაც უფრო მეტი სუბიექტია ბლოკში მით უფრო ნაკლებია თითო სუბიექტზე დაფინანსება, შესაბამისად არის შანსი რომ წარმომადგენელი არ გყავდეს.“- განაცხადა ზურაბ ჯაფარიძემ.