თბილისის საქალაქო სასამართლოს მიერ გამოტანილ განაჩენს „რესპუბლიკური პარტია“ დღეს გაასაჩივრებს. რესპუბლიკელები იმ ნორმატიული აქტის ბათილად ცნობას ითხოვენ, რომლითაც ცესკომ ახალ მემარჯვენეებსა და პატრიოტთა ალიანსს საარჩევნო ნომერი წილისყრის გარეშე მიაკუთვნა.

„რესპუბლიკური პარტია არ შეეგუება კომპეტენციათა ასეთ აღრევას და სამართლებრივ უწესრიგობას. ცესკომ გადაწყვიტა ისეთი საკითხი, რომელიც კანონით არის გადაწყვეტილი. სამწუხაროდ, სასამართლომაც განუსაზღვრელად გაუზარდა უფლებამოსილებები ცესკოს და თქვა, რომ ცესკომ მოაწესრიგა ისეთი სამართლებრივი საკითხი, რომელიც არ იყო კანონით დარეგულირებული,“ - განაცხადა თამარ კორძაიამ.