რამდენიმე დღიანი საპროტესტო აქციების მიუხედავად დედაქალაქის ეკოლოგიისა და გამწვანების სამსახურის ხელმძღვანელი გადადგომას არ აპირებს. ნინო სულხანიშვილის თქმით ის თანამდებობის დატოვებაში პრობლემას ვერ ხედავს, თუმცა მიაჩნია, რომ ჯერ ყველა გამოძიების შედეგებს უნდა დაელოდოს:

"არანაირი პრობლემა არ არის ჩემი გადადგომა, რა თქმა უნდა, შემიძლია დღესვე გადავდგე. უბრალოდ, კანონის შესაბამისად, გადაწყვეტილებას სამსახურის უფროსი გადადგომაზე იღებს მერი. ამ შემთხვევაში, ჩემს სამსახურს, რომელიც ასეთ რთულ მდგომარეობაში აღმოჩნდა, ესაჭიროება სიმართლის გარკვევა და ამიტომ, ვფიქრობ, ამ ეტაპზე მნიშვნელოვანია დაველოდოთ პროკურატურის და სამართალდამცავი ორგანოების მოკვლევის შედეგებს," - განაცხადა ნინო სულხანიშვილმა.