ირაკლი ალასანია სამხედრო ქალაქის ტერიტორიაზე მცხოვრებ ვეტერანებს შეხვდა.

პოლიტიკა - 10:41, 27 Aug, 2016

1459

ირაკლი ალასანია ისნის რაიონის მაჟორიტარი დეპუტატობის კანდიდატ - ქეთევან ენუქიძესთან ერთად ქეთევან წამებულის #71-ში, ყოფილი მე-9 სამხედრო ქალაქის ტერიტორიაზე მცხოვრებ ვეტერანებს შეხვდა.

შეხვედრა დაუგეგმავი იყო და ირაკლი ალასანიას გამოჩენამ ვეტერანების გაოცება გამოიწვია, რამაც ეს სპონტანური შეხვედრა კიდევ უფრო უშუალო და გულწრფელი გახადა.ვეტერანებს შორის რამდენიმე მისი თანამებრძოლიც აღმოჩნდა. ვეტერანებმა მადლიერება გამოთქვეს ირაკლი ალასანიას თავდაცვის მინისტრობის დროს განხორციელებული რეფორმების, სოციალური დაცვის პაკეტის შექმნის გამო. თავისუფალი დემოკრატების ლიდერმა თითქმის ერთი საათი დაჰყო მათთან, თუთოეულის საცხოვრებელი პირობები ნახა, ყველას პრობლემა და სატკივარი მოისმინა.

ვეტერანებმა შეხვედრის დროს განსაკუთრებული სიმწვავით გაუსვეს ხაზი იმას, რომ უმთავრეს პრობლემას მათთვის ააუაღრესად მძიმე საცხოვრებელი პირობები წარმოადგენს. ტერიტორია კი რომელზეც ისინი ცხოვრებენ 2007 წელს ეკონომიკის სამინისტროს გადაეცა, ხოლო 2008 წელს იყიდეს ილია კოკაიამ (დღეს ის, როგორც საინიაციატივო ჯგუფის კანდიდატი, კენჭს იყრის ზესტაფონში) და გიორგი კაპანაძემ. ვეტერანებს ყველაზე მატად აწუხებთ ის, რომ ნასყიდობის ხელშეკრულებაში არ იყო გათვალისწინებული მობინადრეების ალტერნატიული ფართით ან ფულადი კომპენსაციით უზრუნველყოფა. კანონიერი მფლობელის ნებისამებრ, აქ მცხოვრებ ვეტერანთა და მოქმედ სამხედრო პირთა 30 ოჯახს არ მიეწოდება გაზი, დენი და წყალი. შენობა, რომელსაც საძირკველიც არ აქვს, თანდათან ინგრევა.

ვეტერანებმა პარტიის ლიდერს კიდევ ერთხელ ხაზგასმით აცნობეს, რომ პრობლემის მოგვარების ბერკეტი დღეს მხოლოდ მდუმარე ხელისუფლებას აქვს, მაგრამ ვეტერანებმა ისიც აღნიშნეს, რომ არაფერის იმედი არ აქვთ და დახმარებითვის ირაკლი ალასანიას მიმართეს.