საკრებულოს სხდომა დროებით შეწყდა- ნარმანიას გამოსვლის დროს დაპირისპირება მოხდა

პოლიტიკა - 16:52, 26 Aug, 2016

3914

დედაქალაქის საკრებულოს სხდომაზე შესვენება გამოცხადდა. სხდომის 20 წუთით შეწყვეტის გადაწყვეტილება მას შემდეგ მიიღეს, რაც თბილისის მერის, დავით ნარმანიას გამოსვლის დროს ერთმანეთს საკრებულოს წევრები, არასამათავრობოები და მოქალაქეები დაუპირისპირდნენ.

საკრებულოს სხდომაზე დავით ნარმანიას და ცოტნე გამსახურდიას შორის სიტყვიერი დაპირისპირება მოხდა.

“მერი აქ რაღაც სადღეგრძელოებს ყვება და მე არც ნაციონალი ვარ და არც ქოციონალი, ფეხებზე მკიდია ამათი პოლიტიკური კინკლაობა, ამ ქალაქის მოქალაქე ვარ და ჩვენი შვილების ბედი მაწუხებს,“ - განაცხადა ცოტნე გამსახურდიამ.

საკრებულოს დაცვამ დარბაზიდან მოქალაქეები და არასამთავრობო სექტორის ის წევრები გაიყვანა, ვინც სხდომას ესწრებოდა. დედაქალაქის მერი დავით ნარმანია ისევ საკრებულოს დარბაზში რჩება.

შეგახსენებთ, დედაქალაქის მერი საკრებულოში გამწვანების კუთხით არსებულ პრობლემებზე სასაუბროდ მივიდა. დედაქალაქის მერს საკრებულოსთან მიმდინარე აქციის მონაწილეები ხმაურითა და შეძახილებით შეხვდნენ. ისინი დავით ნარმანიას საქმიანობას აპროტესტებდნენ და დედაქალაქის მერს თბილისში ხეების გაჩეხვაში ადანაშაულებდნენ.