ზუგდიდში, ნიკოლაძის ქუჩაზე, სვანეთის კოშკის წინ ორი რუსი ტურისტი გაქურდეს. ,,ნიუპოსტის" ინფორმაციით, ცოლ-ქმარი მოსკოვიდან ბათუმში გუშინ ჩამოვიდა, მოგვიანებით სამეგრელოში გაემგზავრნენ, დღეს კი მესტიაში გადასვლას გეგმავდნენ.

როგორც დაზარალებულები ამბობენ, ჩანთაში, რომელიც მათ მოჰპარეს იდო 10 ათასი ლარი, საბანკო ბარათები, ორი iPhone და საბუთები. ისინი სვანეთში დარჩენას 20 დღის განმავლობაში აპირებდნენ.

სამართალდამცავებმა დაზარალებულები პოლიციის განყოფილებაში დაკითხვაზე გადაიყვანეს.

,,ნიუპოსტი" მომხდართან დაკავშირებით შს სამინისტროს პრესცენტრს დაუკავშირდა. უწყების ინფორმაციას მიღებისთანავე შემოგთავზებთ.