თბილისის მერს დღეს საკრებულოში ელოდებიან. ოპოზიცია კრიტიკული შეკითხვებისთვის ემზადება. დავით ნარმანია დეპუტატებმა საკრებულოში ყაზბეგის გამზირზე 45 ხის მოჭრის გამო დაიბარეს. თუმცა, დეპუტატების განცხადებით, მერს სხვა მწვავე საკითხებთან დაკავშირებითაც მოუწევს პასუხების გაცემა.

ოპოზიციას დღევანდელი შეხვედრისგან დიდი მოლოდინი არ აქვს. მათი მთავარი მიზანია თბილისის მოსახლეობამ კიდევ ერთხელ დაინახოს, თუ რამდენად უპასუხისმგებლო ხელისუფლება ჰყავს დედაქალაქს.

„იძულებული გახდა ოპოზიციის მოთხოვნას დაჰყოლოდა. არის მნიშვნელოვანი ერთი თვალსაზრისით, რომ საზოგადოებამ კიდევ ერთხელ დაინახოს თუ რამდენად უპსუხისმგებლო ხელისუფლება ჰყავს დედაქალაქს. მნიშვნელოვანია დღეს ამ სხდომაზე ჩვენ მარტივად დავუსვათ მას შეკითხვა რაზე გრძნობს თავს დავით ნარმანია და „ქართული ოცნება“ პასუხისმგებლად. რომელ პრობლემას მიიჩნევენ ისინი, რომ დაძლიეს“, - აცხადებს ირაკლი აბესაძე.