"ჩვენ ვართ ერთადერთი პოლიტიკური ძალა, რომელიც არავის არ მივეყიდეთ და ბოლო კვლევებში სწორედ დამოუკიდებლობისთვის „დავისაჯეთ“!"

პოლიტიკა - 18:42, 25 Aug, 2016

1923

ჩვენ ვართ ის ერთადერთი პოლიტიკური ძალა, რომელიც არავის არ მივეყიდეთ და ბოლო კვლევებში სწორედ ჩვენი დამოუკიდებლობისთვის „დავისაჯეთ“- ამის შესახებ „თავისუფალი დემოკრატების" ლიდერმა ირაკლი ალასანიამ აჭარაში,სატელევიზიო პოლიტიკურ ტოქ-შოუში - „პირისპირ“ განაცხადა.
„თავისუფალი დემოკრატების“ ლიდერის თქმით, „რუსთავი2“-ის მიერ გაკეთებული GFK-ის საზოგადოებრივი აზრის კვლევა ნაციონალური მოძრაობის შეკვეთით არის გაკეთებილი, რომელიც გათვლილია საზოგადოების წინასწარ შეგუებასა და აზრის ფორმირებაზე - თითქოს და არსებობს მხოლოდ ორი ძალა და სხვა ალტერნატივა არ არის. „ეს კვლევა არის გამიზნული იმისთვის, რომ ის 40-45 პროცენტი ანუ საზოგადოების დიდი ნაწილი, რომელიც სხვა ალტერნატივის მოლოდინშია და ჯერ არ ჩამოყალიბებულა, არ ჰქონდეს არჩევნებზე წასვლის მოტივაცია. სწორედ საზოგადეობის დიდ ნაწილს არ უნდა „ქართული ოცნების“ სტაგნაციაში ყოფნა და აღარ უნდა „ნაციონალური მოძრაობის“ მმართველობის ძალადობაში დაბრუნება და სოწრედ იმიტომ გააკეთეს ეს კვლევა, რომ სხვა ალტერნატივა აღარ არსებობდეს“, ამბობს „თავისუფალი დემოკრატების“ ლიდერი. მისი თქმით, კვლევის ხასიათიდან გამომდინარე, ეს სააკაშვილის კვლევაა, რომელსაც რეალობასთან არაფერი აქვს საერთო.„ჩვენ თავს არ მოვიტყუებთ, ყოველ დღე ვხდებით ადამიანებს და ზუსტად ვიცით, როგორია მათი განწყობა. ჩვენ ვართ ერთადერთი პოლიტიკური ძალა, რომელიც არავის არ მივეყიდეთ, ჩვენ ვართ რეალურად დამოუკიდებელი პოლიტიკური ძალა, რომელიც არავის ინტერსებზე არ არის მიბმული. ამ კვლევებში სწორედ ჩვენი დამოუკიდებლობისთვის „დავისაჯეთ“.
,,ნიშნავს თუ არა რეიტინგებში სხვა პოლიტიკური გუნდის დაწინაურება სააკაშვილის მხარდაჭერას, ეს საზოგადოებამ გადაწყვიტოს. ჩვენ დამოუკიდებლად ვიღებთ ამ არჩევნებში მონაწილეობას, ეს გადაწეყვეტილება მთელმა გუნდმა აბსოლუტურად გააზრებულად მივიღეთ. ხელისუფლებაში ყოფნისას საზოგადოებას არაერთი კარგი საქმე დავანახეთ, დარწმუნებულები ვართ წარმატებაში და ჩვენი საზოგადოების მხარდაჭერის იმედი გვაქვს“ - განაცხადა ირაკლი ალასანიამ.