საქართველოს ახალგაზრდა იურისტთა ასოციაციამ ონლიან-პეტიცია შეიმუშავა.

“მივმართავთ დავით ნარმანიას, საჯაროდ მოიხადოს ბოდიში შეურაცხმყოფელი გამონათქვამისათვის”, – ასე ჰქვია პეტიციას რომელიც manifest.ge -ზე გამოქვეყნდდა.

“2016 წლის 24 აგვისტოს, ქ. თბილისის მერიაში გამწვანების რეგულაციების საკითხზე გაიმართა შეხვედრა. შეხვედრის მიმდინარეობისას, დავით ნარმანიამ სამოქალაქო აქტივისტს სიტყვა შეაწყვეტინა და მიმართა ფრაზით – ,,მე თქვენთვის სიტყვა არ მომიცია […] მაიმუნი ვირიშვილი ეს…“ ხელისუფლების წარმომადგენლის მხრიდან მოქალაქის მიმართ ამგვარი მიმართვა არის სრულიად მიუღებელი. მივმართავთ დავით ნარმანიას, საჯაროდ მოიხადოს ბოდიში შეურაცხმყოფელი გამონათქვამისათვის”, – ნათქვამია საქართველოს ახალგაზრდა იურისტთა ასოციაციის განცხადებაში.