სოფელ სობისში ჩილინდრიშვილების მოსავალი რუსმა ოკუპანტებმა აიღეს. მიმდებარე ტერიტორია ევროკავშირის წარმომადგენლებმა და შერიგებისა და სამოქალაქო თანასწორობის საკითხებში სახელმწიფო მინისტრმა დაათვალიერეს.

ქეთევან ციხელაშვილის განცხადებით, მომხდარის შესახებ ინფორმირებულია ყველა შესაბამისი უწყება, ამოქმედებულია ცხელი ხაზი და მიმდინარეობს მოლაპარაკებები იმის თაობაზე, რომ ადგილობრივმა მოსახლეობამ მოსავლის აღება უსაფრთხოდ შეძლოს.

ამ დროისათვის რუსეთის საოკუპაციო ძალების სასოფლო-სამეურნეო ტექნიკა გაჩერებულია. ოკუპანტებმა მიმდებარე ტერიტორია მინდორში ადგილობრივი მოსახლეობის გამოჩენის შემდეგ დატოვეს.

„ის რაც ხდება, სამწუხაროდ ეს არ არის პირველი შემთხვევა, როდესაც ადგილობრივ მოსახლეობას ეზღუდება იმის შესაძლებლობა და უფლება, რომ საკუთარი მოსავალი აიღოს, სამეურნეო მიწებზე ჰქონდეს წვდომა, აბსოლუტურად მიუღებელი და უკანონოა, რამდენადაც არღვევს საქართველოს სუვერენიტეტისა და ტერიტორიული მთლიანობის პრონციპს, ეს არის ოკუპაციის რეალური სახე, რაც არა მხოლოდ სამართლებრივ ჭრილში შეიძლება განვიხილოთ, ასევე ჰუმანიტარულ ჭრილშიც, რომ ადამიანებს ყოველდღიურად აქვთ ძალიან ბევრი პრობლემა“, - განაცხადა ქეთევან ციხელაშვილმა.

ადგილობრივი მოსახლეობის განცხადებით, ოკუპანტები სოფელ სობისთან პირველად მარტში გამოჩნდნე და დაამონტაჟეს ბოჟები. ოკუპანტების კომბაინმა ორ ჰექტარზე ქერის მოსავალი უკვე აიღო.

აღნიშნულ საკითხზე კომენტარი საქართველოს საგარეო საქმეთა მინისტრმა, მიხეილ ჯანელიძემაც გააკეთა:

„ჩვენ აუცილებლად გამოვიყენებთ ჩვენს ხელთ არსებულ ყველა ბერკეტს და მქანიზმს იმისათვის, რომ აღნიშნული საკითხები იქნეს განხილული, შესაბამისი სკტრუქტურები გაერკვევიან კონკრეტულ შემთხვევებში და განვსაზღვრავთ თუ რა ნაბიჯები არის გადასადგმელი“, - განაცხადა მიხეილ ჯანელიძემ.