ტერაქტის მომზადების საქმეზე დაკავებული ბექა ბექაურის ადვოკატის განცხადებით საქმის მასალებში არსებობს გარკვეული მინიშნებები ვაჰაბიტური იდეოლოგიის კვალის შესახებ. მტკიცებულებთა შორის წარმოდგენილია ფეისბუკზე გამოქვეყნებული ფოტოები, სადაც დაკავებულებს აქვთ სურათები გადაღებული სხვადასხვა დროშების ფონზე და მათ შორის ერთ-ერთი დროშა არის ისლამური სახელმწიფოს დროშა.

„ეს არის ფეისბუკის გვერდებიდან ამოღებული მასალა, სადაც წერია, რომ სავარაუდოდ ვაჰაბისტური მიმდევრები არიან. ბექაურს გამომძიებელმა დაუსვა ეს კითხვა და მან თქვა, რომ ჩვენ არ ვართ ამ ვაჰაბიზმის მიმდევრები. სავარაუდო ეჭვები და ინფორმაცია არის ფეისბუკზე გამოქვეყნებული ფოტოებიდან გამომდინარე,“ - აღნიშნავს მაია ჭრელაშვილი. როგორც ადვოკატი აცხადებს, ბექაური უარყოფს ისლამურ დაჯგუფებებთან კავშირს და აცხადებს, რომ ის აფეთქებების განხორციელებას ოკუპირებულ ტერიტორიაზე აპირებდა, მოტივი კი რუსეთის სიძულვილი იყო.

ბექა ბექაურის ვაჰაბიზმთან კავშირს კატეგორიულად გამორიცხავენ მისი ოჯახის წევრები.