"მოძრაობა სახელმწიფო ხალხისათვის“ ლიდერი პაატა ბურჭულაძე ამერიკულ- გერმანული კომპანიის GFK-ს მიერ მომზადებული კვლევის შედეგებს გამოეხმაურა, რომლის მიხედვითაც ქართულ ოცნებას რეიტინგი 35.9%, ნაციონალურ მოძრაობას კი 34.2 % აქვს, თავად პაატა ბურჭულაძის პარტიას კი 9.8 %.

„კვლევებმა გვაჩვენეს, რომ დღეს საქართველოში არის სამი უალტერნატივო პოლიტიკური ძალა. კვლევებმა გვაჩვენეს, რომ 35% ხალხის აძლევს ხმას უმუშევრობას და სიღარიბეს, ხოლო 34% ხალხის აძლევს ხმას შიშს. ჩვენ ის ძალა ვართ მოძრაობა - სახელმწიფო ხალხისთვის, რომელსაც შეუძლია მოსპოს საქართველოში უმუშევრობა, სიღარიბე და შიში. მე ყველა კვლევას პასუხისმგებლობით ვეკიდები . ეს კვლევა გვაწყობს თუ არ გვაწყობს, მოგვწონს თუ არ მოგვწონს. კვლევა არის კვლევა, ყველა კვლევაში არის ჯანმრთელი აზრი,თუ ადამიანი გონიერია უნდა გამოიყენოს ეს კვლევები“ - განაცხადა პაატა ბურჭულაძემ.