სამართალდამცავებმა ფოთში „ნაციონალური მოძრაობის“ ახალგაზრდული ფრთის ორი წევრი მიხეილ ლუხავა და ალექსი ადამია დააკავეს.
ამის შესახებ "ნიპოსტს" ფოთში “ნაციონალური მოძრაობის” მაჟორიტარი დეპუტატობის კანდიდატმა, ბექა ბასილიამ განუცხადა.
ბასილია ამ წუთებში სენაკის პოლიციის შენობაში დაკავებულებთან ერთად იმყოფება და შეფასებას ტელეფონიდან აკეთებს.
მისი თქმით, მიმდინარეობს მიზანმიმართული კამპანია “ნაციონალური მოძრაობის“ ახალგაზრდული ფრთის წინააღმდეგ.
"ნიუპოსტის" კორესპონდენტის ინფორმაციით, ლუხავა და ადამია სამართალდამცავებმა თავდაპირველად დილით აიყვანეს. სამართალდამცავებმა ისინი ნარკოლოგიურში გადაიყვანეს.
აღმოჩნდა, რომ ისინი არ იმყოფებოდნენ ნარკოტიკული საშუალების ზემოქმედების ქვეშ და გამოუშვეს დაახლოებით 15 წუთში კი ორივე მათგანი ხელახლა დააკავეს.
მასალის გამოყენების პირობები






