მოძრაობა "პაატა ბურჭულაძე სახელმწიფო ხალხისთვის", აფხაზეთის ა/რ-ს მთავრობას ბიუჯეტის არამიზნობრივ ხარჯვაში ადანაშაულებს

პოლიტიკა - 12:41, 23 Aug, 2016

1996

მოძრაობა "პაატა ბურჭულაძე სახელმწიფო ხალხისთვის", აფხაზეთის ავტონომიურ რესპუბლიკის მთავრობას, ბიუჯეტის არასწორ და არამიზნობრივ ხარჯვაში ადანაშაულებს. ირაკლი ყიფიანის განცხადებით, ავტონომიური რესპუბლიკის მთავრობას 2016 წელს 13 მილიონი ბიუჯეტიდან 10 მილიონი საჯარო მოხელეთა ხელფასებში აქვს გადახდილი. იძულებით გადაადგილებულ პირთა სოციალური მდგომარეობის გასაუმჯობესებლად კი მხოლოდ 260 000 ლარი.

ბოლო 8 წლის მონაცემებით აფხაზეთის ავტონომიური რესპუბლიკის ბიუჯეტი 100 მილიონ ლარს შეადგენს, საიდანაც 62 მილიონი ხელფასებზე და 17 მილიონი საჯარო მოხელეთა მომსახურებაზე დაიხარჯა. ფაქტიურად მოსახლეობას 80 მილიონი ლარი ბოლო რვა წლის განმავლობაში მხოლოდ მთავრობის შენახვა დაუჯდა, როდესაც ამ თანხის თუნდა ნახევარით შეიძლებოდა ათასობით დევნილის საცხოვრებელი ფართით დაკმაყოფილება.

მოძრაობა სახელმწიფო ხალხისთვის რამდენიმე დღეში წარმოადგენს პარტიის გეგმას და პროგრამას იძულებით გადაადგილებულ პირებთან დაკავშირებით. პროგრამის მიხედვით ბიუროკრატიული ხარჯები უნდა შემცირდეს და დევნილებს დაენიშნოთ მიზნობრივი დახმარება.