"ენმ"-ს მხარდამჭერს თავს დაესხნენ, მოქალაქე აცხადებს, რომ "ოცნების" მაჟორიტარობის კანდიდატის ნათესავებმა სცემეს

პოლიტიკა - 10:28, 22 Aug, 2016

1851

ერთიანი ნაციონალური მოძრაობა მათი აქტივისტის ცემის ფაქტის დაუყოვნებლივ გამოძიებას მოითხოვს. როგორც "ნიუპოსტს" პარტიიდან აცნობეს, გუშინ რუსთავში ენმ-ს ერთ-ერთ აქტივისტს არსენა კასაშვილს ფიზიკურად გაუსწორდნენ.
ოპოზიციის ინფორმაციით, თავდამსხმელებს შორის იყო "ქართული ოცნების" მაჟორიტარობის კანდიდატის გიორგი ბეგაძის ახლო ნათესავი.
"დამხვდნენ თეთრი პასატით, ერთ-ერთმა მითხრა რომ ბეგაძის დისშვილი იყო, მეორე გიორგი კავსაძე, ორივე მათგანმა ფიზიკური შეურაცხყოფა მომაყენა. მითხრეს დაანებე ნაციონალურ მოძრაობას თავი, თორემ ხვალ უარესად მოგხვდებაო,“-განაცხადა არსენკასაშვილმა.

რუსთავის მაჟორიტარი დეპუტატობის კანდიდატის მამუკა ჩიქოვანის განცხადებით, ავრცელებს. კასაშვილი სახლში ბრუნდებოდა, რა დროსაც მას ქართული ოცნებისმხარდამჭერები დახვდნენ და ფიზიკური შეურაცხყოფა მიაყენეს.

„ვიცით, რომ კორცხელის ინციდენტისას ამ ზონდერ ჯგუფებს თავად ვიცე პრემიერი ხელმძღვანელობდა. შესაბამისად, გასაკვირიც არ არის, რომ მათი ერთერთი კანდიდატი გიორგი ბეგაძე თავის ოჯახის წევრებს ახალისებდეს და უქსევდეს ნაციონალური მოძრაობის მხარდამჭერებს. მსგავსი ძალადობით ისინი ვერაფერს მიაღწევენ, მიიღებენ ადეკვატურ პასუხს, ისეთ პასუხს, როგორიც მათ გასცა ამომრჩეველმა კორცხელში,“ - განაცხადა მამუკა ჩიქოვანმა.

დაზარალებულმა გვიან ღამით რუსთავის პოლიციაში ჩვენება მისცა. თავად ბრალდებების ადრესატს კომენტარი არ გაუკეთებია.