თავისუფალი სტილით მოჭიდავე გენო პეტრიაშვილი, რომელიც რიოს ოლიმპიადაზე ბრინჯაოს მედლის მფლობელი გახდა, 11 წლის წინ, 19 აგვისტოს გაიტაცეს და 3 თვე ცხინვალის ტერიტორიაზე ჰყავდათ დამალული. გატაცება 2005 წლის 19 აგვისტოს კონფლიქტის ზონიდან, ფრონის ხეობის სოფელ ნულიდან მოხდა.

ქართველი სამართალდამცავები ამ გატაცებას ცხინვალის სეპარატისტულ რეჟიმსა და რუსეთის მაშინდელ ე.წ. სამშვიდობო ძალებს უკავშირებდნენ.

გენო 2005 წლის 25 ნოემბერს გაათავისუფლეს. შსს-ს მაშინდელმა მინისტრმა, ვანო მერაბიშვილმა, გააკეთა განცხადება, რომ ძალოვანებისთვის ბავშვის ადგილსამყოფელი ცნობილი იყო. გენო პეტრიაშვილის გათავისუფლება 25 ნოემბერს სამხრეთ ოსეთის თვითაღიარებული ხელისუფლების სამართალდამცავი ორგანოების მიერ მოხდა.