პაატა ბურჭულაძის მოძრაობა ,,სახელმწიფო ხალხისთვის“ ფოთის საქალაქო ორგანიზაციის აღმასრულებელი მდივანი ზაზა ჭურღულია აცხადებს, რომ ბურჭულაძის პარტია მასთან ერთად 50-მდე წევრმა დატოვა.

"მოძრაობა ,,სახელმწიფო ხალხისთვის“ გაურიგდა ისეთ პოლიტიკურ პარტიებს, რომლებიც პრინციპულად მიუღებელია ჩვენთვის. დანაშაულებრივი სისტემის შემქმნელი ”ნაციონალური მოძრაობის” ნარჩენებისა და მის სატელიტ პარტიებთან ნებისმიერი ფორმით თანამშრომლობას, პოლიტიკური ბლოკისა თუ ალიანსის შექმნას კატეგორიულად ვეწინააღმდეგებით. მე, როგორც პარტიის საქალაქო ორგანიზაციის ყოფილი აღმასრულებელი მდივანი, ჩემს გუნდთან თად ვტოვებ ორგანიზაციას, ვისთვისაც ღირებულებები და ფასეულობები უფრო მნიშვნელოვანია“, - განაცხადა ზაზა ჭურღულიამ სპეციალურ ბრიფინგზე.

საპირისპიროს აცხადებს „სახელმწიფო ხალხისთვის“ ფოთის საქალაქო ორგანიზაციის საორგანიზაციო მიმართულების ხელმძღვანელი ზაურ კინტირაია.

ეს უკანასკნელი ფოთის საქალაქო ორგანიზაცის ყოფილი აღმასრულებელი მდივნის ზაზა ჭურღულიას განცხადებას იმის შესახებ, რომ პარტის რიგები 50-მდე ადამიანმა დატოვა არ ადასტურებს.

კინტირია აცხადებს, რომ ზაზა ჭურღულიას აღმასრულებელი მდივნის პოსტი არ ეკავა და ის უბრალოდ მოიაზრებოდა პარტიის აღმასრულებელ მდივნად.

"ის ჩვეულებრივი პარტიის წევრი იყო,რომელიც გარკვეულ დავალებებს ასრულებდა. რაც შეეხება იმ ადამიანებს, რომლებმაც თითქოს ორგანიზაცია დატოვეს, მათი უმრავლესობას ჩვენს პარტიასთან არანაირი შეხება არ ჰქონია"- აცხადებენ ბურჭულაძის პარტიაში.