საღი ხეების გაჩეხვის სკანდალი - ნარმანიამ 10 დღიანი მორატორიუმი გამოაცხადა

პოლიტიკა - 12:46, 20 Aug, 2016

5994

თბილისის მერის დავით ნარმანიას განცხადებით, 10 დღის განმავლობაში თბილისში ხეების მოჭრაზე მორატორიუმი გამოცხადდა.

როგორც დავით ნარმანიამ კრჭანისში ჟურნალისტებს განუცხადა, აღნიშნული გადაწყვეტილება გუშინ მიიღო.

გადაწყვეტილების მიხედვით, 10 დღის განმავლობაში ნებისმიერ დაინტერესებულ საზოგადოებრივ ორგანიზაციასთან ან პირთან ერთად მერია იმსჯელებს და გადახედავს გამწვანებასთან დაკავშირებულ წესებს დედაქალაქში.

„მართალია, ჩვენ გარკვეული პერიოდის წინ გარკვეული ცვლილებები შევიტანეთ და გავამკაცრეთ წესები, თუმცა როგორც ჩანს, ეს საკითხი კიდევ გადასახედია, ამიტომ ყველა დაინტერესებულ პირთან ერთად მზად ვართ დავსხდეთ და განვახორციელოთ ეს საკითხები, რათა რეგულაციები კიდევ უფრო მეტად მკაცრი გავხადოთ"- აღნიშნა თბილისის მერმა. თუმცა იქვე თქვა, რომ 21-ე საუკუნეში ურბანიზაცია შეუქცევადი პროცესია.
ამიტომაც უნდა მივიღოთ ისეთი რეგულაცია, რაც საჯარო და კერძო ინტერესების თანხვედრით მოგვცემს ქალაქის შემდგომი განვითარების შესაძლებლობას. მოგვცემს იმის შესაძლებლობას, რომ ერთი მხრივ, მწვანე საფარიც შევინარჩუნოთ და მეორე მხრივ, ვიზრუნოთ იმაზე, რომ ქალაქში ახალი პროექტები განხორციელდეს. ადამიანები დასაქმდნენ. ასე, რომ ნებისმიერი ადამიანი, რომელსაც რაციონალური წინადადება გააჩნია, ჩვენ მზად ვართ, რომ შევხვდეთ ამ ადამიანებს და შევივიმუშაოთ ახალი წინადადებები“, - განაცხადა ნარმანიამ.

ცნობისთვის, პარტიზანი მებაღეებისა და საკრებულო წევრების აცხადებენ, რომ ყაზბეგის 24 ნომერში 45 ძირი ხე უკანონოდ გაიჩეხა. ისინი მერიის თანამშრომლების პასუხისმგებლობის საკითხის დაყენებას ითხოვენ.
პროკურატურა პირველადი დათვალიერებით ადასტურებს, რომ თბილისში 45 ხე უკანონოდ მოიჭრა.