შავ ზღვაში დაკარგული კურსანტების ძებნა უკვე მეოთხე დღეა უშედეგოდ მიმდინარეობს. თურქეთიდან დღეს სპეციალური საძიებო ტექნიკით აღჭურვილი გემიც შემოვა. თურქეთის სასაზღვრო ძალების ხომალდის ეკიპაჟთან ერთად, ძებნა- გადარჩენის ოპერაციაში საქართველოს თავდაცვის მინისტრიც მიიღებს მონაწილეობას.

შავ ზღვაში მომხდარი უბედური შემთხვევის მიზეზი ჯერჯერობით უცნობია. მომხდარზე დაწყებულია გამოძიება. სამხედროები გიორგი ნანიტაშვილი და იაგო შარაძე, გონიოში გეგმიური სწავლების დროს დაიკარგნენ. ისინი საზღვაო სპეცდანიშნულების სწავლებაში მონაწილეობდნენ. ზღვის სიღრმეში ჩაყვინთვის შემდეგ მათ ზედაპირზე ამოსვლა ვეღარ შეძლეს.