"საქართველოს უბლოკო სტატუსის იდეა საინტერესო იყო რუსეთის ხელისუფლებისთვის"- ბურჯანაძე რუსეთში ვიზიტზე

პოლიტიკა - 16:31, 18 Aug, 2016

2524

”ნინო ბურჯანაძე - დემოკრატიული მოძრაობის“ ნინო ბურჯანაძემ მოსკოვში ვიზიტი შეაფასა. როგორც ნინო ბურჯანაძემ დღეს გამართულ პრესკონფერენციაზე განაცხადა, ქვეყნის პრობლემების მოგვარებისთვის უმნიშვნელოვანესია ქვეყანამ წარმართოს პირდაპირი დიალოგი რუსეთთან. ბურჯანაძის თქმით მას რუსეთში ვიზიტისას საუბარი საქართველოს უბლოკო სტატუსის შესახებაც ქონდა და ამ საკითხს, რუსეთის ხელისუფლების წარმომადგენლების მხრიდან დადებითი გამოხმაურება ქონდა:

„ჩვენ ვისაუბრეთ იმ შეცვლილ გეოპოლიტიკურ ვითარებაზე, რომელიც ეხებოდა რეგიონს, მსოფლიოში მიმდინარე მოვლენებს. ბუნებრივია, ვისაუბრეთ რუსეთ- საქართველოს ურთიერთობაზე. კიდევ ერთხელ გავუსვი ხაზი იმ პრობლემებს, რომელიც ნამდვილად ძალიან მწვავეა ამ ურთიერთობაში. ცხადია, ვისაუბრეთ უბლოკო სტატუსზეც. ძალიან დიდი ინტერესი გამოიწვია ამ ინიციატივამ. ჩემთვის ძალიან მნიშვნელოვანი იყო, მცოდნოდა რუსეთის უმაღლესი ხელისუფლების აზრი უბლოკო სტატუსთან დაკავშირებით. მიუხედავად იმისა, რომ საქართველოში ცდილობენ, ათასნაირი სპეკულაციები წამოწიონ ამ თემასთან დაკავშირებით, შემიძლია ვთქვა, რომ ეს იდეა ნამდვილად საინტერესო სიახლე იყო რუსეთის ხელისუფლებისთვის. ისინი ბუნებრივია, დაინტერესდნენ და დამეთანხმნენ იმაში, რომ აღნიშნულ საკითხს ნამდვილად შეუძლია გახნას ახალი შესაძლებლობები რუსულ-ქართული მოლაპარაკებების ურთიერთობებში“,- განაცხადა ნინო ბურჯანაძემ.