"ამ გაერთიანებას ექნება ძალია დიდი განაცხადი გამარჯვებისთვის"- ვაშაძე ბურჭულაძესთან გაერთიანებაზე

პოლიტიკა - 12:52, 18 Aug, 2016

2515

„ახალი საქართველოს“ ლიდერის გიორგი ვაშაძის თქმით, პაატა ბურჭულაძის პარტიასთან გაერთიანებით მათი გუნდები შეძლებენ, ოქტომბრის არჩევნებში სერიოზულ შედეგს მიაღწიონ., ვაშაძის განცხადებით პარტიებს, რომლებიც გაერთიანებას აპირებენ, საერთო ხედვები აქვთ პროდასავლურ კურსთან და ეკონომიკის განვიტარებასთან დაკავშირებით:

„ეს იქნება პოლიტიკური ერთობა საქართველოს კრიზისიდან გამოსაყვანად და იმ პრობლემების მოსაგვარებლად რაც ქვეყანაში არის. ჩვენ გვაქვს საერთო ღირებულებები პროდასავლური თვალსაზრისით, გვაქვს საერთო ხედვები ეკონომიკის განვითარებასთან დაკავშირებით და ვფიქრობთ, რომ ჩვენი გუნდების გაერთიანებით ჩვენ შეგვიძლია ძალიან ბევრს მივაღწიოთ და ამ გაერთიანებას ექნება ძალია დიდი განაცხადი იმისთვის, რომ საბოლოო გამარჯვებისთვის ვიბრძოლოთ, რადგან ეს იქნება გამარჯვება საქართველოს თითოეული მოქალაქისთვის“- განაცხადა გიორგი ვაშაძემ.

შეგახსენებთ, პაატა ბურჭულაძის „მოძრაობა სახელმწიფო ხალხისთვის“ ოფისში „გირჩის“, „ახალი საქართველოსა“ და „ახალი მემარჯვენეების“ წარმომადგენლები არიან შეკრებილი. პოლიტიკური ძალების წარმომადგენლები გაერთიანების შესაძლებლობის საკითხზე შეხვედრას მართავენ.