ექსკლუზივი: ბურჭულაძე+პროდასავლური ოპოზიცია - ახალი ალტერნატივა არჩევნებამდე 2 თვით ადრე

პოლიტიკა - 12:12, 17 Aug, 2016

10244

არჩევნებამდე 2 თვით ადრე პოლიტიკური ტემპერატურა კიდევ უფრო აიწევს. იმ ფონზე, როდესაც ქართულ პოლიტიკაში მხოლოდ ორ პოლიტუიკურ ძალას შორის მიმდინარეობს ბრძოლა; როცა საქართველოში ოკუპანტის სასარგებლოდ ღია პროპაგანდას აწარმოებენ წარსულში ტერორიზმთან და სხვადასხვა კანონსაწინააღმდეგო ქმედებაში ბრალდებული პირები, „ნიუპოსტისთვის“ ცნობილი ხდება, რომ არჩევნებამდე დაახლოებით 2 თვით ადრე პაატა ბურჭულაძე პროდასავლურ ძალებს იკრებს.

კერძოდ, ჩვენი ინფორმაციით, პოლიტიკური შეთანხმება უკვე მიღწეულია და 2016 წლის საპარლამენტო არჩევნებზე მესამე პოლიტიკურ ძალად ბურჭულაძესთან ერთად, შესაძლოა მოგვევლინონ: ახალი პოლიტიკური ცენტრი „გირჩი“, გიორგი ვაშაძის „ახალი საქართველო“, ბაჩუკი ქარდავას "ეროვნულ-დემოკრატიული პარტია" და "ახალი მემარჯვენეები".

ჩამოთვლილ პარტიებს ცალსახად გამოკვეთილი პროდასავლური ორიენტაცია აერთიანებთ, ამიტომ იდეოლოგიაზე შეთანხმება მარტივად მოხერხდა.

ამ ეტაპზე უცნობია, რა ტიპის პოლიტიკური კოალიიციის შექმნას გეგმავს პაატა ბურჭულაძე. თუმცა, ფაქტია, რომ მსოფლიო ბანი შესაძლოა „ქართული ოცნებისა“ და „ნაციონალური მოძრაობის“ ალტერნატივად ვიხილოთ.

გასათვალისწინებელია ის გარემოებაც, რომ ბოლო პერიოდში ჩატარებული ყველა საერთაშორისო კვლევა უჩვენებს, რომ პაატა ბურჭულაძის პოლიტიკური მოძრაობის რეიტინგი მზარდია.

IRI-ს კვლევების მიხედვითაც, პერსონალურ რეიტინგებში პაატა ბურჭულაძემ 75 პროცენტით, სერიოზულად აჯობა პრემიერი კვირიკაშილს, რომლის პოპულარობა ამ კვლევის მიხედვით 56%-ს არ აღემატება.

ფაქტია, რომ ბურჭულაძის ახლად რეგისტრირებული ძალა მესამე პოზიციას იკავებს და არც თუ დიდი სხვაობით ჩამორჩება "ქართულ ოცნებას" თუ "ნაციონალურ მოძრაობას".

თუ გავითვალისწინებთ იმას, რომ საკმაოდ დიდია გადაუწყეტელი ამომრჩევლის რაოდენობა, ახალი ძალის სამიზნე სწორედ ეს ელექტორატი იქნება.