სასწრაფოდ: ცესკო-მ "ცენტრისტები" რეგისტრაციიდან მოხსნა

პოლიტიკა - 11:49, 16 Aug, 2016

3375

ცენტრალურმა საარჩევნო კომისისამ ბედუკაძის პარტია "ცენტრისტები" რეგისტრაციიდან მოხსნა. გადაწყვეტილების შესახებ ცნობილი ამ წუთებში გახდა.

„დღეის მდგომარეობით, ჩვენთვის უკვე ცნობილია, რომ პოლიტიკური გაერთიანება „ცენტრისტების“ ხელმძღვანელი პირის უფლებამოსილებას არ გააჩნია იურიდიული ძალა. შესაბამისად, 11 საათზე ხელი მოვაწერე განკარგულებას, „ცენტრისტების“ რეგისტრაციის განკარგულების ბათილად ცნობის შესახებ. ეს უფლებამოსილება გააჩნია ცესკოს თავმჯდომარეს ახალი გარემოებიდან გამომდინარე, რაც ჩვენთვის გუშინ გახდა ცნობილი“, - განაცხადა ცესკოს თავმჯდომარე თამარ ჟვანიამ.

ჟვანია აცხადებს, რომ "ცენტრისტებთან“ დაკავშირებით საჯარო რეესტრის გადაწყვეტილება ცესკოს დროულად უნდა მიწოდებოდა.

ჟვანიას თქმით, რომ საჯარო რეესტრის ეროვნული სააგენტოს 1-ელი აგვისტოს გადაწყვეტილება, რომ ”ცენტრისტებს” ხელმძღვანელობა და წარმომადგენლობაზე უფლებამოსილი პირი არ ჰყავს, ცესკოსთვის ოფიციალურად ცნობილი მხოლოდ მედიასაშუალებების მეშვეობით გახდა ცნობილი.
"გადაწყვეტილებები, რომელიც სამართლებრივ უფლებამოსილებებს ეხება, იმ პოლიტიკური გაერთიანებების, რომელიც როგორც იუსტიციის სამინისტროშია რეგისტრირებული ასევე ამ რეგისტრაციის საფუძველზე ტარდებიან საარჩევნო რეგისტრაციაში, მნიშვნელოვანია მსგავსი ინფორმაცია შესაბამისი უწყებებიდან დროულად და ოფიციალურად იქნას მოწოდებული საარჩევნო ადმინისტრაციისთვის"- ამბობს ჟვანია.