„დემოკრატიული მოძრაობის“ ლიდერი მზად არის პარტიის ინიციატივაზე რომელიც საქართველოს უბლოკო სტატუს შეეხება პროდასავლურ ძალებთან დებატები გამართოს.

ნინო ბურჯანაძის განცხადებით, პარტიის ინიციატივა ქვეყნის რეალურ სუვერენიტეტს და დამოუკიდებლობას ემსახურება.

პარტიის ლიდერი მიმართავს პროდასავლურ ძალებს, ვინც ეწინააღდმეგება უბლოკო სტატუსს, ჩაატარონ საჯარო დისკუსია, რათა საზოგადოებამ გაიგოს, „ვინ ვინ არის სინამდვილეში“.

" ვთავაზობ ახალ ინიციატივას ე.წ პროდასავლურ ძალებს, იმ ძალებს, ვინც ეწინააღმდეგებიან უბლოკო სტატუსის იდეას და რომლებიც ცდილობენ, ლამის მოღალატეების და მარგინალების იარლიყი მოგვაწებონ - , გთავაზობთ, თუ ამის გამბედაობა გეყოფათ და არ შეგეშინდებათ, ჩავატაროთ საჯარო დისკუსია, სადაც ყველანი თავს შევიკავებთ იარლიყების ერთმანეთისათვის მიკერებისაგან, სადაც მოვიყვანთ მხოლოდ სამართლებრივ და პოლიტიკურ არგუმენტებს ერთი ან მეორე იდეის სასარგებლოდ. თქვენ მოიყვანეთ პოლიტიკური და სამართლებრივი არგუმენტები, ოღონდ ის კი არა, 10 წლის წინ რომ იყო აქტუალური, არამედ დღეს რომ არის აქტუალური“’- აღნიშნა ნინო ბურჯანაძემ.

„დემოკრატიული მოძრაობის“ თავმჯდომარე მოსახლეობას მოუწოდებეს ხელი მოაწერონ უბლოკო სტატუსის შესახებ ინიციატივას.