ბიჭოლა: „ჩასაკუზი საპირფარეშო, გულოს 1 ლარიანი აბანო, "ბირჯა", მზესუმზირა, დამბა, ეზოებს შორის თამაშები, კონკურენცია, ინტრიგები, საღამოობით კოცონი, სიმღერები, ის მითი რომ სიონი ამერიკელებმა იყიდეს, რომ დააგებენ გზას თბილისიდან და ააყვავებენ სიონს! მიუხედავად იმისა რომ ბევრს ვმოგზაურობ, რომ მქონდეს თავისუფალი დრო სიამოვნებით ჩავიდოდი 2 დღით მაინც, ჩავისუნთქავდი სუფთა ჰაერს და შევხედავდი ვარსკვლავებით მოჭედილ ცას, ცას რომელსაც ვუყურებდი ბავშვობაში და ვოცნებობდი, მაგრამ მაინც ვერ წარმომედგინა მაშინ, რომ ჩემი ოცნებები ასე მალე ახდებოდა!