გვიმრაძე: საზმაუს არ ჰქონდა არანაირი შესაძლებლობა, ეთერში არ გაეშვა „ცენტრისტების“ უფასო პოლიტრეკლამა

პოლიტიკა - 12:33, 14 Aug, 2016

3573

პირველი არხის ეთერში გასული პარტია „ცენტრისტების“ უფასო პოლიტიკურ რეკლამასთან დაკავშირებით, რომელმაც საზოგადოებაში რეზონანსი გამოიწვია, სპეციალური განცხადება გააკეთა საზოგადოებრივი მაუწყებლის ახალი და მიმდინარე ამბების ბლოკის დირექტორმა გიორგი გვიმრაძემ.

გიორგი გვიმრაძემ აღნიშნა, რომ მაუწყებელი კანონმდებლობით ვალდებული იყო გაეშვა პოლიტიკური აერთიანებაცენტრისტების უფასო სარეკლამო რგოლი ისე, რომ მის შინაარსში არ ჩარეულიყო.

გვიმრაძემ მიმართა კანონმდებლებს, რომ მოხდეს კანონმდებლობის გასწორება, რათა არსებობდეს სამართლებრივი ბერკეტი, ოკუპაციის დაკანონების ტირაჟირების წინააღმდეგ.

"საზოგადოებრივ მაუწყებელს არ ჰქონდა შესაძლებლობა არ გაეშვა ხსენებული პოლიტიკური რეკლამა და ჩარეულიყო არც მის შინაარსობრივ ნაწილში. საზოგადოებრივი მაუწყებლის მენეჯმენტი, თანამშრომლები ცალსახად ემიჯნებიან იმ შინაარსს, რომელიც იყო გასული არსებულ პოლიტიკურ რეკლამაში. მე აქედან გამომდინარე მინდა მოვუწოდო იმ ორგანოებს, რომლებსაც ხელეწიფებათ მსგავსი შეცდომის მსგავსი ხარვეზის გამოსწორება კანონმდებლობაში. სამწუხაროა ქვეყანაში არ არსებობდეს სამართლებრივი ბერკეტი, რომ არ ხდებოდეს ოკუპაციის დაკანონების ტირაჟირება,"- აცხადებს გვიმრაძე.