"დარბაისელის არაკვალიფიციურობის გამო მერაბიშვილის საკნიდან გაყვანის საკითხზე კითხვის ნიშნებიარსებობს"- მოროშკინა

პოლიტიკა - 16:52, 13 Aug, 2016

6961

მოძრაობა ”თამაზ მეჭიაური - ერთიანი საქართველოსთვის” წევრს ლალი მოროშკინას დაკითხვა დასრულდა.
როგორც პროკურატურასთან შეკრებულ ჟურნალისტებს მოროშკინამ განუცხადა, კითხვები ძირითადად ვანო მერაბიშვილის საკნდიდან შესაძლო გაყვანის საკითხს შეეხებოდა.
როგორც მოროშკინამ აღნიშნა, მაშინდელი სასჯელაღსრულების დეპარტამენტის ხელმძღვანელის, დიმიტრი დარბაისელის არაკვალიფიციური ქმედების გამო, დღეს აღნიშნულ საკითხზე კითხვის ნიშნები კვლავ არსებობს.
”დარბაისელს შეეძლო პრესკონფერენცია მოეწვია, წაეყვანეთ ჟურნალისტები ციხის სისტემაში, ეჩვენებინა ადგილზე თუ როგორ ხდება ჩაწერა, აბსოლუტურად ყველა მონაკვეთის გაკონტროლება, კამერები და შესაბამისად როგორ იშლება კამერის ჩანაწერები 24 საათის განმავლობაში. იმიტომ, რომ არ მოხდა ამ ყველაფერის კარგად ახსნა და იმიტომ, რომ ეს გამოიყენა მანიპულატორმა ვანო მერაბიშვილმა, ცხადია, დღეს შეკითხვები არის"- თქვა მოროშკინამ.

სტრასბურგის სასამართლოს გადაწყვეტილების შემდეგ საქართველოს ყოფილი პრემიერ-მინისტრის ვანო მერაბიშვილის საქმეზე გამოძიება განახლდა.

2 წლის წინ სასამართლო სხდომაზე ვანო მერაბიშვილმა განაცხადა, რომ ის მთავარი პროკურორის, ოთარ ფარცხალაძის, დავალებით საკნიდან გაიყვანეს და აიძულებდნენ, ზურაბ ჟვანიასა და მიხეილ სააკაშვილის საქმეებზე მიეცა ჩვენება მესამე პრეზიდენტის წინააღმდეგ.

მერაბიშვილის განცხადებასმაშინ პროკურატურის მხრიდან რეაგირება არ მოჰყოლია.