დარწმუნებული ვარ, გორში ძალიან კონკურენტული არჩევნები იქნება- ირაკლი ალასანია

პოლიტიკა - 15:17, 13 Aug, 2016

3577

"თავისუფალი დემოკრატების" ლიდერი და გორის მაჟორიტარობის კანდიდატი ირაკლი ალასანია ამ წუთებში გორში დახურულ კარს მიღმა პარტიის აქტივს ხვდება. ალასანიამ შეხვედრის დაწყებამდე კომენტარი გააკეთა და განაცხადა, რომ გორში ყველაზე კონკურენტული არჩევნები გაიმართება.

"გორში იქნება დარწმუნებული ვარ, ძალიან კონკურენტული არჩევნები. გორელებს, შიდა ქართლს მოუწევს ძალიან სწორი არჩევანის გაკეთება და მე მთელი ჩემი ძალისხმევდით მზად ვარ, რომ გორელებს დავუდასტურო, ვიქნები მათი ღირსეული წარმომადგენელი და ინტერესების დამცველი პარლამენტსი და არა მარტო პარლამენტში. მე მინდა, რომ იგრძნოს პატრონის ხელი ქართლმა და გორმა. მე მიდა მათ იცოდნენ, რომ ყველაზე რთულ პირობებში მართლაც ეს "საზღვრისპირა" რაიონებია, სამეგრელო და ასევე შიდა ქართლი. მე მინდა მათ გვერდით დავდგე, მე ყოველთვის მათ გვერდით ვიყავი მაშინაც კი როდესაც აქ ბრძოლები მიმდინარეობდა, მე სწორედ საქართველოს დიპლომატიურ ბრძოლას ვაწარმოებდი გაეროში და მახსოვს, რამდენად მაძლიერებდა ის სულისკვეთება რომელიც გორელებს და შიდა ქართლის მცხოვრებლებს ჰქონდათ"-განაცხადა ალასანიამ.
"თავისუფალი დემოკრატების" ლიდერი, მისი კონკურენტის ირაკლი ალასანიას გუშინ გაკეთებულ განცხადებასაც გამოეხმაურა.
"მთავარი არის ყველას ახსოვდეს, რომ მთავარი არის ხალხის გადაწყვეტილება. წინასწარ დაქადნება, დაპირება, ეს არის ჩემთვის მეორე ხარისხოვანი. საზოგადოება მე მიცნობს რა მაქვს გაკეთებული, ასევე იცნობს საზოგადოება სხვას რა აქვს გაკეთებული"-განაცხადა ალასანიამ.
შეგახსენებთ, გუშინ ირაკლი ოქრუაშვილმა მის კონკურენტებს, მათ შორის ირაკლი ალსანიას წინასწარ მოუსამზიმრა 8 ოქტომბერს არცევნებში დამარცხების გამო.