"ქართული ოცნების 4 წლიანი ნგრევის შედეგების ნუსხა" - ხათუნა ლაგაზიძის სპეციალური განცხადება

პოლიტიკა - 12:43, 13 Aug, 2016

7390

მოძრაობა ,,სახელმწიფო ხალხისთვის’’ ერთ-ერთი ლიდერი ხათუნა ლაგაზიძემ კულტურული მემკვიდრეობის ძეგლების უკანონო ნგრევასთან დაკავშირებით განცხადება გააკეთა.

ხათუნა ლაგაზიძემ ქ. ბათუმში, ზუბალაშვილის ქუჩაზე მდებარე სკვერში ,,ქართული ოცნების’ 4 წლიანი ნგრევის შედეგების ნუსხა" გაასაჯაროა. . "ქართული ოცნების" ხელისუფლებაში ყოფნის პერიოდში აჭარაში, კერძოდ, ბათუმში კულტურული მემკვიდრეობის ძეგლების უკანონო განადგურების არაერთ ფაქტს ჰქონდა ადგილი. ეს არის "ქართული ოცნების" ხელისუფლებაში ყოფნის მონაგარი, რაც გამოიხატება კულტურული მემკვიდრეობის ძეგლების მასობრივ განადგურებაში. გვაქვს არაერთი საინტერესო და სავალალო ფაქტი, მათ შორის, ბარათაშვილის ქუჩა #24 -ში მდებარე კულტურული მემკვიდრეობის ძეგლის უკანონო განადგურება მოხდა. ამის თაობაზე საქართველოს კულტურული მემკვიდრეობის დაცვის ეროვნულ სააგენტოს გამოგზავნილი აქვს ერთი და იგივე სხდომის ორი განსხვავებული ოქმი. ამ და არაერთი სხვა ფაქტით არავინ დაინტერესებულა. ამიტომ ვფიქრობთ, რომ "ქართული ოცნება" მსგავსი საქმიანობის გაგრძელებას აპირებს მომავალშიც, თუმცა მას ამის საშუალება არ მიეცემა 2016 წლის 8 ოქტომბრის აჭარის უმაღლესი საბჭოს არჩევნების შემდგომ. განადგურებულ კულტურული მემკვიდრეობის ძეგლებს შორისაა შემდეგი მისამართები: ჟორდანიას #7, ბარათაშვილის #2, კლდიაშვილის #25, ვაჟა-ფშაველას #27, ჯავახიშვილისა და აბუსელიძის ქუჩების კვეთა, მემედ აბაშიძის #50, რუსთაველის #17, თავდადებულის #7, 9 მარტის ქუჩა #6 სინაგოგა, ლუკა ასათიანის #26, ზუბალაშვილის #37, ხარიტონ ახვლედიანის #5“, - აღნიშნა ხათუნა ლაგაზიძემ.

პატიის ლიდერი საზოგადოებას მოუწოდებს არ მისცენ ქართული ოცნების კანდიდატებს საშუალება გააგრძელონ კულტურული მემკვიდრეობის ძეგლების განადგურება.