"ნაციონალური მოძრაობის" მაჟორიტარობის კანდიდატი გორის ოფისის მინების ჩამსხვრევის ფაქტის სწრაფ გამოძიებას მოითხოვს

პოლიტიკა - 11:53, 12 Aug, 2016

2951

"ერთიანი ნაციონალური" მოძრაობის გორის მუნიციპალიტეტის მაჟორიტარობის კანდიდატი და პარტიის შიდა ქართლის ორგანიზაციის ხელმზღვანელი ბადრი ბასიშვილი, სამართალდამცავ ორგანოებს ენმ-ს გორის ოფისის მინების ჩამსხვრევის ფაქტის გამოძიებას სთხოვს.
,,ნიუპოსტის" კორესპონდენტის ცნობით, ამასთან დაკავშირებით ენმ-ს გორის ოფისში ბრიფინგი გამართა,
ბასიშვილის თქმით კომპანია ,,კულას“ მფლობელმა ივანე გოგლიძემ გუშინ გამართული ბრიფინგზე, მინები რომ თავად ჩაამსხვრია მედია საშუალებებთან აღიარა. თუმცა სამართალდამცავი ორგანოების მხრიდან რეაგირება ამ დრომდე არ მომხდარა.

გოგლიძემ აღნიშნა, თავად შემოიჭრა ოფისში და ჩაამსხვრია მინებები. თუმცა, მინდა მივმართო ივანე გოგლიძეს - თავზეც რომ გადაიმტვრიოს მინები, მისი ძმა ალექსანდრე გოგლიძე არ აპირებს კანდიდატურის მოხსნას ქალაქში. ივანე გოგლიძე 9 ოქტომბერს აუცილებლად წარდგება სასამართლოს წინაშე. ვნახოთ, ვინ ინატრებს 9 ოქტომბერს უფრო კარგ ჰაერს და ჟანგბადი ვის მოენატრება", -განაცხადა ბასიშვილმა
შეგახსენებთ, ენმ-ს გორის ოფისში ინციდენტი 2 დღის წინ მოხდა, პარტიის ოფისის მინები ენმ-ს ქალაქ გორის მაჟორიტარობის კანდიდატის ალექსანდრე გოგლიძის ძმამ, ივანე გოგლიძემ ჩაამსხვრია. მომხდარ ინციდენტს, პარტიაში იქამდე ასაიდუმლოებდნენ და ამბობდნენ რომ მინები შეცვლის მიზნით თავად ჩაამსხვრიეს, სანამ განცხადება თავად გოგლიძემ არ გააკეთა.