21:00 საათზე, ალექსანდროვის ბაღში - მსოფლიოში აღიარებული ქართველი სოლისტების ოპერა-გალა ეწყობა, დასწრება თავისუფალია.

კონცერტამდე კი ქართველი საოპერო მომღერლები ერთ კეთილ წამოწყებას კვლავ აგრძელებენ და იპოდრომზე იკრიბებიან.

თეონა ჯორბენაძე: ევროპაში მოღვაწე აღიარებულმა ქართველმა სოლისტებმა, იქაური დაწკრიალებული ქუჩების შემდეგ, გადაწყვიტეს საქართველოშიც გააჩინონ სისუფთავისა და ჯანსაღი ცხოვრების წესის მოთხოვნილება. დღის განრიგი ასეთია: დილით რეპეტიცია და საღამოს დედაქალაქის პარკების მოწესრიგება.

ოთარ ჯორჯიკიას და ანიტა რაჭველიშვილს ამ ინიციატივას იმდენი მხარდამჭერი და მიმდევარი გამოუჩნდა, რომ თბილისში პარკების გაშენების იდეა მალე შესაძლოა რეალობად იქცეს, ისიც არ არის გამორიცხული ჩვენმა თანამემამულეებმა აღარ დაანაგვიანონ გარემო, სადაც ვცხოვრობთ. მოკლედ ის დროა, ამ დიდ საქმეს დიდი ხმები გავაგონოთ. თანაც გავახაროთ ისინი, ვინც ჯერ კიდევ დედაქალაქში იმყოფებიან ან უკვე დაბრუნდნენ შვებულებიდან.
14 აგვისტოს თბილისის მერიის მხარდაჭერით დიდი ოპერა-გალა!!!
ანიტა რაჭველიშვილი (მეცო-სოპრანო), ოთარ ჯორჯიკია (ტენორი), მარიამ როინიშვილი (სოპრანო) , მარიამ ნაჭყებია (სოპრანო), ნატალია ქუთათელაძე (მეცო-სოპრანო), მიხეილ ქირია (ბარიტონი), გიორგი ონიანი (ტენორი), ნიკოლოზ ლაგვილავა(ბარიტონი), სულხან ჯაიანი (ბანი), გოჩა აბულაძე (ბარიტონი), ევგენი მიქელაძის სახელობის საქართველოს ეროვნული სიმფონიური ორკესტრი, დირიჟორები: ნიკოლოზ რაჭველი და რეზო ჯავახიშვილი.
შესრულდება არიები და დუეტები ცნობილი ოპერებიდან,
მანამდე 11 აგვისტოს, საღამოს 20:00 შეხვედრის ადგილი კვლავ იპოდრომია.