დატოვა თუ გაათავისუფლეს ბურჭულაძის მოძრაობიდან ხობის რაიონული ორგანიზაციის თავმჯდომარე

პოლიტიკა - 18:48, 09 Aug, 2016

2696

პაატა ბურჭულაძის „სახელმწიფო ხალხისთვის” ხობის რაიონული ორგანიზაციის თავმჯდომარე კახა ბუკიამ 80 თანამოაზრესთან ერთად პარტიის რიგები დატოვა.
ბუკია გადაწყვეტილების მიზეზი მედიასთან გაახმოვანა და აღნიშნა, რომ პარტიის მაჟორიტარობის კანდიდატი კახაბერ ნადარაია “ნაციონალური მოძრაობის” სატელიტია.
სავარაუდოდ კახა ბუკია "ქართულ ოცნებას" შეუერთდება, რადგან მისი ახლო ნათესავი, გოდერძი ბუკია სწორედ მმართველ პოლიტიკური პარტიის წევრია.

ამ ინფორმაციას უკვე გამოეხმაურნენ პაატა ბურჭულაძე - სახელმწიფო ხალხისთვის წევრები.

როგორც ფოთის მაჟორიტარი დეპუტატობის კანდიდატი, კოტე კემულია ,,ნიუპოსტის" რეგიონულ კორესპონდენტთან აცხადებს, მათ თვითონ მიიღეს გადაწყვეტილება და კახა ბუკია გუშინ პარტიიდან გაუშვეს, დღევანდელი განცხადებები კი მისთვის გაუგებარია.

„კახა ბუკია გახლავთ „ქართული ოცნების“ ხობის მაჟორიტარობის კანდიდატის, გოდერძი ბუკიას ბიძაშვილი და მისი მხარდამჭერია. რაც შეეხება რაოდენობას, აქ საუბარია სამ ადამიანზე და არა 80-ზე. ისინი ჩვენ გავათავისუფლეთ გუშინ, ჩვენთვის ამ გუნდთან მუშაობა მიუღებელია და ამიტომ გავათავისუფლეთ“ - აღნიშნა კემულარიამ.